Valsblaðið - 11.05.1961, Qupperneq 42

40
VALSBLAÐIÐ
-------------------------------------------------------------V
Agnar BreiSf jörS.
Einn af þeim sem tók þátt í því að lyfta
Val upp á toppinn 1930, eftir að hafa
tekið þátt í hörðum leikjum í yngri
flokkunum, sem hertu hann og aðra
góða Valsmenn. Á sínum tíma bezti út-
herji Vals, og á vissan hátt fyrirmynd
Ellerts. Hefur setið í stjórn Vals, og
ber ætíð Val fyrir brjósti, og svo get-
ur hann líka skrifað skemmtilegar
dagbækur.
♦ J \
Samleikur í snjó 1931: Frá v. Jón Ei-
ríksson, Olafur SigurtSsson og Frfmann
Helgason.
m
í: :L'
t
t
Æfing á fþróttavellinum í des. 1930.
vellinum, og æfðum við því á túni sem er skammt frá vellinum. Þar
var dágott. Á þeirri æfingu mættu 18. — Eftir æfinguna gengum við
allir í hóp heim og sungum Valssönginn. — Afar fjörug æfing.
4. jan. 1931. — Þann sunnudag var veður fremur slæmt, þrútið loft
og dálítið hvasst, þrátt fyrir það mættu 14 manns, og var það góð
byrjun á nýja árinu, 1931. — Völlurinn var afar háll og því ekki full
not af æfingunni, en þrátt fyrir það skemmtu menn sér hið bezta.
11. jan. — Þá var veðrið yndislega gott, lítilsháttar frost en logn.
íþróttavöllurinn var eitt klakastykki og túnið okkar var ekki sem
bezt, svo við neyddumst til að leita betur fyrir okkur og rákumst þá
á KR-svæðið, sem reyndist ágætlega og notuðum við það, vitanlega
án leyfis KR-inga. Á þessa æfingu mættu 14 strákar og fór æfingin
hið bezta fram. Eftir æfinguna gengum við í hóp heim á leið syngjandi
Valssönginn.
18. jan. — Þessi sunnudagur rann upp með hörkufrosti og norðan-
næðingi, og var útlit fyrir fannkomu. þrátt fyrir þessa hryssingslegu
framkomu náttúrunnar, mættu á þessa æfingu 10 áhugamenn. — Án
efa hefur ekki áður verið leikin knattspyrna í slíku veðri sem þessu (í það
minnsta ekki á íslandi).
Æfingin var á velli KR-inga og fór allvel fram. Valssöngurinn var
sunginn.
1. febr. — Þessi sunnudagur, sem var daginn eftir hinn mikla dans-
leik Valsmanna, rann upp sem einhver fegursti dagur vetrarins, sem
af er. En þar sem Valsmenn gengu eigi til hvílu fyrr en síðla nætur,
gat maður freistast til þess að halda að ekki yrði sem bezt mætt, en
það var ekki á þann veg. Heldur mættu eins og að undanförnu um 14
strákar, og má það teljast prýðilegt.
Við æfðum á KR-vellinum, sem mætti með sanni fara að skýra upp
og nefna Valssvæði! Valssöngurinn sunginn.
22. febr. Stillt veður með hörku írosti, 13 stig, og var mikil ísing
og fannir á stöku stað. Á þessari æfingu mættu 13 harðgerðir menn,
sem ekki láta sér allt fyrir brjósti brenna eða frjósa. Að þessu sinni
æfðum við ekki á neinum þeim stað, sem við áður höfðum notað,
heldur á íþróttavellinum fyrir utan knattspyrnusvæðið, og var æfingin
hin prýðilegasta, þrátt fyrir að hált væri á stöku stað og svo aftur
hnéháir snjóskaflar á milli.
1. marz. — Svipað veður og síðastliðinn sunnudag, en ekki eins mikið
frost. Þessi æfing er að því leyti fræg að á hana mættu allir kappliðar
í 1. fl. ásamt nokkrum áhorfendum, sem dáðust mjög að dugnaði okk-
ar. Æfðum við á íþróttavellinum gamla, sem var nær allur ein ísbreiða
og voru tilburðir okkar þá oft mjög afkáralegir, sem von var, þar sem
hálka var svo mikil. Eftir æfinguna gengum við í einum hóp heim-
leiðis og sungum Valssönginn. Ágæt æfing.
15. marz. — Veðrið ekki sem bezt, helzt til hvasst og mikið moldryk.
Á þessa æfingu komu 22 menn og var því fullt lið, var keppt við B-liðið.
Séra Friðrik Friðriksson kom á þessa æfingu til að horfa á okkur og
fá „inspirasjión" til að ljúka við bókina ,,Keppinauta“. Eftir æfinguna
gengum við heim og sungum Valssönginn.
29. marz. — Veðrið hryssingslegt, rigning og alllivasst, þar að auki
var völlurinn ekki sem beztur sökum leysinganna, en þrátt fyrir þetta
allt mættu 20 menn, og þar af einn Víkingur, Tómas Pétursson. Yfir-
leitt voru menn slappir vegna ónógs svefns nóttina áður, en allt fór
samt vel fram, og höfðum við án efa samt gott af æfingunni. Vals-
söngurinn sunginn.