Valsblaðið - 24.12.1968, Síða 19

VALSBLAÐIÐ
17
Elías Hergeirsson:
„Valur ein órjúfandi heild“
Ég er ekki fyllilega ánægður með
árangurinn í sumar, tel að búi mun
meira í þessu liði en fram kemur.
Mér finnst eins og það vanti i það
„humör“ og léttleika milli sjálfra
strákanna. Þetta néðist i Reykjavik-
urmótinu, en síðan datt það niður
meira og minna. Þetta kom svo aft-
ur í leiknum við Benfica, þá gerðu
allir sitt bezta, sem gaf árangur. Það
er eins og maður hafi það á tilfinn-
ingunni, að ef þeir eigi von á erfið-
leikum þá komi það fram sem í þeim
býr, annars taka þeir leikinn ekki
nógu alvarlega. Annars æfðu þeir
sæmilega vel i fyrra, og ekkert lak-
ar en að undanförnu.
Maður hefir það lika á tilfinning-
unni að sumir strákanna séu að
þessu fyrir Knattspyrnufélagið Val,
en ekki fyrir sjálfa sig, og þá um
leið fyrir Knattspyrnufélagið Val
sem þeir eru félagar í.
Ég held að um leið og glaðværðin
— „humörinn“ — glæðist komi fé-
lagsandinn af sjálfu sér, og þá fara
þeir að hafa gaman að þessu aftur,
og þá fari þetta að koma sem okkur
finnst að búi í þeim.
Það er alltaf hið stöðuga vanda-
mál okkar að fá nógu marga til starfa
i deildinni, og þá helzt til að leið-
beina og þjálfa, undirbúa og sjá um
fundi fyrir þetta fólk sem stundar
æfingar og félagslífið hjá okkur. Þar
þyrfti að taka mun betur á. í sum-
ar tókum við að fá aðstoðarmenn við
þjálfarana í flokkunum. Var það ár-
angur af fundi sem haldinn var
heima hjá mér með öllum þjálfur-
unmn, þar sem fram komu óskir
þeirra og hugmyndir manna um
ýmislegt varðandi kennslu og leið-
beiningar til yngri flokkanna. Var
þar og rætt um þörf áhalda utan
sjálfs vallarins, sem viða eru notuð
til kennslu í knattmeðferð á ýmsan
hátt.
Vona ég að slíkir fundir verði fast-
ur liður í starfseminni og þá fleiri
en einn eða tveir. Vona ég líka að
samstaða við aðra aðila innan félags-
ins náist um þetta mál, sem ég tel
mjög þýðingarmikið.
Hvað um framtíðina?
Veit nú ekki nákvæmlega hvað
segja skal, er þó enganveginn svart-
sýnn, og hvað annan flokk áhrærir
er ég mjög bjartsýnn, þar er margt
efnilegra pilta og áhugasamra. Hvað
meistaraflokkinn snertir verð ég að
vera einnig bjartsýnn, því núna und-
anfarið hafa þeir mætt mjög vel á
æfingar, og mun betur en undanfar-
in ár. Finnst mér það benda til þess
að þeir hafi hugsað sér að berjast um
efsta sætið næsta sumar, og það
bendir þá líka til þess að þeir hugsi
sér að komast í Evrópubikarkeppni
hitt árið.
Persónulega tel ég mikla mögu-
leika á því að þeim takist það, ef
þeir hver og einn gera sitt bezta allt
keppnistimabilið.
Ég er heldur ekkert svartsýnn með
yngri flokkana yfirleitt, síður en svo,
þar er mikill f jöldi sem til okkar leit-
ar, og þá er það alltaf sama vanda-
málið og ég gat um áðan og það eru
leiðbeinendurnir og þjálfararnir, og
því má aldrei gleyma að þessir ungu
drengir eru framtíð félagsins. Það
liefir líka sýnt sig, að þegar mikið
liggur við í félaginu eru oft margir
sem vilja rétta hjálparhönd og starfa,
og meðal ungu drengjanna er starf-
ið margt. Þetta er eitt af þeim mál-
um sem við sameiginlega verðum að
leysa.
Gallinn er lika ef til vill sá, að of
Elías Hergeirsson, góðviljaður og
vinnusamur félagi og formaSur
Knatlspyrnudeildar.
mikið snýst mn meistaraflokkinn, en
unglingarnir verða því oft afskiptir
um of, hvernig svo sem hægt er að
koma þessu heim og saman. Þetta er
mál málanna í dag, þvi við vitum að
úr hópi sterkra og vel skólaðra yngri
flokka kemur sterkur eldri flokkm-.
Samstaðan og samvinnan við
stjórn og hinar ýmsu deildir félags-
ins er mjög góð, og sérstakt hvað
viss samstemning hvílir yfir öllu
þessu margþætta félagslífi Vals i
dag. Það er eins og allir stefni að þvi
að gera Val að einni órjúfandi heild.
Og þetta nær til allra, bæði yngri
sem eldri, hvar sem menn standa í
félaginu.
Ég vil láta það koma fram hér, að
það væri með miklum þökkum þeg-
ið ef velunnarar Vals, hvort sem þeir
eiga syni hjá okkur eða aðeins taug-
ar til félagsins, ef þeir hefðu tíma
til að hjálpa okkur við að halda sam-
an og leiðbeina hinum mörgu sem
til okkar leita í yngri flokkunum, og
við þá vildi ég segja, að það er
skemmtilegra en menn yfirleitt
halda.
Ég vil svo að lokum þakka sam-
starfsmönnum mínum í deildinni
fyrir gott samstarf, það hefir verið
gott að leita til þeirra, og þeir alltaf
reiðubúnir til starfa.