Heimilisblaðið - 01.01.1955, Qupperneq 24

KALLI
Það eru ljótu vandræðin, að engin götuljós skuli vera þar sem þeir eiga heima, Kalli og Palli. Menn
rekast á alla hluti, þegar dimmt er. Kalli rekst beint á Júmbó og meiðir sig í nefinu. Daginn eftir
kaupa þeir dós af sjálflýsandi málningu og mála upp úr henni öll tré, húsið sitt og auk þess öll dýrin
og að lokum götuna. Þegar dimmir, er allt sjálflýsandi og enginn vandi að komast slysalaust heim.
Hvert skyldu þeir nú ætla, Kalli og Palli ? Þeir hafa tekið með sér matborðið og langan kaðal. Skyldu
þeir ætla í útilegu? Öll dýrin elta þá, iðandi af forvitni. Þegar þeir koma niður á ströndina, kallar
Palli á stóra hvalinn, og þegar hann kemur, biðja þeir hann að leika „hest“ fyrir sig, svo að þeir
geti æft sig á vatnsskíðum, eins og stúlkan á myndinni í blaðinu.