Iðunn : nýr flokkur - 01.04.1925, Síða 7

IÐUNN
Launhelgarnar í Elevsis.
85
launhelgarnar hafi átt þau upptök, að Herkúles, Kastor
og Pollúx, sem voru hálfguðir, hafi sótt um upptöku.
En af því að Aþenumenn einir áttu rétt á launhelgun-
um, en á hinn bóginn þótti ilt að vísa slíkum innsækj-
endum frá, þá var það ráð tekið, að stofna til óæðri
launhelganna til undirbúnings, og var það gert að ráð-
um sjálfrar gyðjunnar Demeter. Nokkuð er það, að þær
voru ætlaðar þeim, sem ekki voru fæddir Aþenumenn.
En er frá leið urðu óæðri launhelgarnar sjálfsagt stig
fyrir alla, er vígslu tóku.
í óæðri launhelgunum, sem fóru fram í Agra, rétt
hjá Aþenu, var endurkoma Persefóne til jarðarinnar
táknuð, og er sú gyðja þar mest við riðin. En í æðri
launhelgunum sjálfum var sýnt hvarf hennar til undir-
heima og Demeter aðalpersónan. Ekki voru gyðjurnar
þó nefndar réttum nöfnum og svo var yfirleitt um alt.
Alt fékk ný nöfn og nýja merkingu, alt var leyndar-
dómur, tákn og ráðgáta. En aðaltilgangur óæðri laun-
helgana mun hafa verið sá, að búa menn undir, koma
mönnum inn í hugsanaferilinn, er lá til grundvallar, og
gera menn þannig hæfari að veita viðtöku hinum æðri
launhelgum.
Menn vita tiltölulega lítið um það, sem fram fór í
óæðri launhelgunum. Þær fóru fram snemma að vor-
inu og sömu embættismenn þjónuðu að þeim, sem lýst
verður hér við æðri launhelgarnar. Þær hófust með
fórnfæringu og áttu að sýna neyðarástand mannssálar-
innar þegar hún fjötrast jarðefninu og saurgast af því.
Alexandríu-Klemens kirkjufaðir, segir, að á óæðri laun-
helgunum hafi verið bygt fræðikerfi, sem mönnum var
kent til þess, að þeir gætu fremur skilið og haft gagn
af æðri vígslunum.
Æðri launhelgarnar fóru fram að haustinu, h. u. b. í