Iðunn : nýr flokkur - 01.04.1925, Síða 11

IÐUNN
Launhelgarnar í Elevsis.
89
launhelganna næst á undan, söfnuðust nú saman í Aþenu
á ákveðnum stað. Konunglegi furstinn stóð þann dag
fyrir öllum fórnum. Avarpaði hann vígsluþega svo:
»Komið, allir þér, sem eruð hreinir af allri saurgun
og samviskan ekki slær. Komið, allir þér, sem iðkað
hafið rétt og réttlæti. Komið, allir þér, sem hreinir eruð
á hjörtum og höndum og talið skilmerkilega. En sá, sem
ekki er hreinn á höndum og flekklaus hið innra og
hefir ekki skilmerkilegt málfæri, má ekki taka þátt í
launhelgunum«.
Því næst fóru fram undirbúningshreinsanir og undir-
búningsfræðsla. Menn klæddust sérstökum búningum, en
þeir urðu að vera skrautlausir með öllu. Ekkert gull
eða skart mátti sjást. Konur urðu að bera hárið laust
fallandi niður um herðarnar og stranglega var þeim
bannað að nota andlitsfarða.
Annar dagur: Vígsluþegar voru látnir ganga til sjávar.
Urðu þeir að skrifta allar yfirtroðslur og lauga sig því
næst í sjónum eftir því oft og lengi sem sakir stóðu til.
Eftir það voru þeir klæddir nýjum klæðum og voru þá
»ný skepna*. Hver maður hafði með sér grís, sem hann
laugaði einnig í sjónum.
Þriðji dagur: Almenn fasta og alvara átti að ríkja
þennan dag. Konunglegi furstinn stóð fyrir fórnum mikl-
um í Elevsis helgidómnum við Akrópólishæðina, í Aþenu.
Sorgardagurinn mikli hét þessi dagur, og átti að minna
á sorg gyðjunnar Demeter við hvarf dóttur hennar. At-
hafnirnar enduðu með því að hver maður fórnaði grís
þeim, sem hann hafði hreinsað í hafinu daginn fyrir, og
var þá fullkomlega hreinn.
Fjórði dagur: Aðal viðburður þess dags var skrúð-
Sanga mikil og fjölmenn með hina heilögu körfu gyðj-
unnar Demeter.