Iðunn : nýr flokkur - 01.04.1925, Side 66

144
G. Björnsson: HvaÖ ertu sál?
IÐUNN
vonirnar kveikir og kærleikann myndar,
klæðir í vorskrúða hretbarða fold.
Mannlega sál, ef að mæta þér sorgir,
mundu að þú ert á leiðinni heim.
Þú sækir í vígtraustar vonanna borgir
úr volkinu og stríðinu úti um geim.
G. Björnsson.
Að eins kongur.
(Carl Spitteler).
Svo mælti herrann Cornelius Clemens:
»Er þrælum mínum fáið verk að vinna
eg vil að hver einn geri það er kann hann:
því bezt mun gert er vilji fylgir verki.
Á rangri hyllu er hálfur maður hver.
Sjómaður unir sjaldan kúa-gæslu«.
En síðar út á sveitabýli, er átt’ hann,
hann sá einn þræl, við vegagerð, er kunni
auðsjáanlega ekkert til þess starfa,
umkringdur var hann stórum hópi’ er hæddust
að vanköntum og vindhöggum er sló hann.
Að verkstjóranum vatt sér herrann byrstur:
»Hví hefir þú ei hlíðnast boðum mínum?«
Verkstjórinn mælti: »Þennan þræl eg hefi
til þrautar reynt við flest. Hann getur ekkert
alt, sem hann gerir illa fer úr hendi«.