Kirkjuritið - 01.10.1938, Blaðsíða 11

Kirkjuritið - 01.10.1938, Blaðsíða 11
Kirkjuritið. Næsti áfanginn. 341 svo að skilja, að þeir leiti á með spurningum, heldur þannig, að unglingarnir finni, að þeir séu einlægir vinir þeirra og altaf viðbúnir að hlusta á þá með skilningi og samúð. En til þess verða preslarnir að halda áfram að standa í sambandi við fermingarbörn sín svo sem auðið er. I öðrum löndum fer það nú í vöxt, að haldin sé í kirkjunum afmælishátíð fermingarinnar, og það mun einnig hafa átt sér stað hér á landi. En meira er þó um það vert, að prestarnir stofni eða slyðji unglingafélög í sóknum sínum, hvort sem þau heita K. F. U. M. eða K., skátafélög, unglingastúkur, ungmennafélög eða annað. Og vakir nú sú hugsjón hjá mörgum, að innan fárra ára Iiér frá verði unnið að þessháttar félagsstarfi af prestun- um í öllum preslaköllum landsins. Unglingafræðslan á einnig að vera svo sem við verður komið í höndum prestanna, eins og var á liðhum tímum til þjóðarheilla, annaðhvort þannig, að þeir taki unglinga til kenslu heim til sin, eða unglingaskólar verði i námunda við prests- setrin, svo að prestarnir geti annast nokkura fræðslu við þá. Verði þannig hagað förinni, mun æskan vissulega á sínum tíma rétta oss örfandi hönd. Fyrir fulltíða kynslóðina og alt þjóðlífið í heild sinni virðist mér þörf á því, að kirkjan verði mannasættir, friðargjafi og aflvaki til nýrra sameiginlegra átaka. Mikl- ir erfiðleikar eru framundan fyrir þjóðina á komandi árum og áratugum, og niðasorti stríðshættunnar grúfir vfir heiminum. Þetta er auðsætt öllum, sem komnir eru til vits og ára og vilja sjá. Og vér megum ekki ætla oss þá dul, að vér sigrumst á ravmunum f jandsamlegir hver- ir öðrum í heiðinni þjóðmálabaráttu. Það væri óvits æði. En hinsvegar verður oss að vera það ljóst, að vér eigum ærinn þrótt og þrautsegju, vit og kjark til þess, að kom- ast fram úr hættunum og ógöngunum í trú á Guð sem kristin þjóð. Það er syndin mikla, vorrar þjóðar og annara, að hafa

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.