Kirkjuritið - 01.10.1938, Blaðsíða 3

Kirkjuritið - 01.10.1938, Blaðsíða 3
Kirkjuritið. NÆSTI AFANGINN. ERINDIÁ PRESTASTEFNU. Eftir rúma fjóra áratugi er vegferð kristninnar hér á landi orðin 1000 ára löng frá þvi, er kristniboð hófst. Þá áratugi mætti nefna næsta áfangann, og miða við starfsdag þeirra manna, sem nú eru frumvaxla. Hvernig sá áfangi verður fyrir kristni og kirkju þjóð- arinnar, er oss öllum hulið. En engu að siður er oss skylt að horfa fram og leitast við að gjöra oss grein fyrir því, iivar vér eigum að velja oss veg, og hvernig vér skulum halda næsta áfangann. Og þetta er oss því nauðsynlegra sem ljóst er, að þjóðin er að einhverju leyti að vakna til fyllri meðvitundar um gildi kirkju sinnar og að frá henni muni stafa hjálparkraftur á hættutímum og erfið- leika. Eru mál hennar þegar rædd meir opinberlega en verið hefir um hríð undanfarið. Að baki liggur brautin mikla, um hraun og hrjóstur, öræfi og eyðisanda, ár og jökulsprungur, en á milli um grænar grundir, glitrandi skóga, sólskinsbrekkur og sælulönd. Sigrar og ósigrar liafa skiftst á, viðreisn og fall, sókn og undanhald, sæmd og vanheiður. Og öll hefir förin verið „auðug að mótlæti, auðugri að synd, auð~ ugust þó af Guðs miskunnar lind". En framundan blasir við oss viðáttan, ósnortin, svo langt sem augað eygir, unz blánar við sjónarbaug, fögur, og þó Hggja þar ægi- legar hætlur í leyni. Hvert skal stefna? Og bvernig eigum vér að haga förinni? Það þurfum vér að hugleiða saman öll, sem unnum kristni og kirkju.

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.