Kirkjuritið - 01.10.1938, Blaðsíða 19

Kirkjuritið - 01.10.1938, Blaðsíða 19
KirkjuritiS. Kirkjan og dósentsmálið. 349 son tók við kennaraembætti í sögu við heimspekideild. Voru þeir báðir af starfandi dómnefndum úrskurðaðir hæfastir umsækjenda, og viðkomandi kenslumálaráð- herrar hlittu þeim urskurði. Mátti þá vænta þess, að hinn þásitjandi kenslumálaráðherra, sem var Haraldur Guð- mundsson, mundi fara að dæmi fyrirrennara sinna í þessu efni, og veita þeim embættið, sem dónmefnd úr- skurðaði hæfastan. Var svo horfið að þessu ráði og dómnefnd skipuð. Varð hún endanlega þannig, að i henni áttu sæti þessir menn: Biskup Islands, dr. Jón Helgason. Var liann kennari og lektor Prestaskólans frá 1894 til 1911 að hann varð prófessor við háskólann, þangað til hann tók við biskupsembætti haustið 1916. Er hann einnig heið- ursdoktor við Kaupmannahafnarháskóla fyrir viður- kend vísindastörf sín. Þá átti sæti í dónmefndinni próf. Holger Mosbeck frá Kaupmannahafnarháskóla, kunnur fræðimaður í guðfræði. Og enn áttu þar sæti báðir kenn- arar guðfræðideildar. Hefir annar starfað þar í 20 ár, en hinn í 8 ár, og svo loks séra Árni Sigurðsson fríkirkju- prestur. Þetta var nú hin kjörna dómnefnd, og verður þessum mönnum tæplega borið þekkingarleysi á brýn, eða þeir vændir um hlutdrægni. Samkepni fór svo fram að venjulegum hætti, og fór nokkur hluti hennar fram í heyranda hljóði, jafnvel útvarpað, og dæmdi nefndin einróma séra Björn Magn- ússon hæfastan, eða jafnvel einan umsækjendanna hæf- an til starfans. Sendi nefndin þann úrskurð til kenslu- málaráðherra; setti hann svo séra Björn til að þjóna embættinu, þar til öðruvísi yrði ákveðið. Töldu menn nú almenl, að sögu þessa máls væri lokið, og létu sér flestir vel líka. En hér átti nú annað eftir að fara. Kenslumálaráð- herra tók ekki úrskurð dónmefndarinnar til greina, heldur sendir hann plögg samkepninnar til yfirmats hjá sænskum manni, dr. Nygren í Lundi, án þess að

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.