Kirkjuritið - 01.01.1942, Blaðsíða 13

Kirkjuritið.
Á bratlann.
7
tók þá með sér Pétnr og Jakob og Jóhannes. Með honttm
klifu þeir upp hlíðar Hermons, og hann sýndi þeim hið
efra í leiftursýn, hvernig allir miklir og góðir menn eiga
að leggja á brattann. Fjallganga hans sjálfs blasti við þeim
alla leið upp á bæsta tindinn.
Hún blasir nú við okkur — við hverju auga, sem vill sjá.
Þegar frá bernsku lifir bann í því, sem hans föður er,
og boðar ungur að aldri komu Guðs ríkis. Hann leggur
frá sér smíðatólin og helgar því alt starf sitt á manndóms-
árum frá morgni til kvölds, og oft einnig unt nætur. Hann
flytur kenninguna um föðurkærleika Guðs, sem nái til
allra manna, jafnvel þeirra, er dýpst séu soknir í synd.
Allir mega þeir og eiga að biðja: Faðir vor, þú, sem ert á
himnum. Hann boðar fátækum fagnaðarerindi, syrgjend-
um og þeim, sem bungrar og þvrstir eftir réttlætinu.
„Komið til mín,“ segir hann, „allir þér, scm erfiðið og
þunga eruð hlaðnir, og ég mun veita vður hvíld“. Og hann
veilir þeim frið fyrirgefningar Guðs, öllum, sem iðrast og
þiggja vilja, lollheimtumönnum, bersyndugum. Hann vel-
ur sér að lærisveinum og postulum lítt lærða alþýðumenn
og trúir þeim fyrir guðsríkisstarfinu mcð sér. Fólkið þyrp-
ist til hans. Hann talar eins og sá, sem vald hefir. Þrá þess
til Guðs fær svölun við að blusta á hann. Heimurinn verð-
ur annar i augum ]k'ss. Hann Ijómar í birtu Guðs. Guðs-
ríki er að koma. Máttur þess og fegurð og tign birtist
einnig í verkunum, sem hann vinnur. Blindir fá sýn, haltir
ganga, sjúkir verða heilir, hvað sem að þeim hefir amað.
Hann lirífur þá jafnvel úr helgreipum dauðans. Hvar sem
hann fer, vaknar líf, og sorgartár þorna af hvarmi. Gleðin
leiftrar í svip hans, og svo dýrlegt er lífið, að hann Iíkir
samveru sinni og lærisveina sinna við brúðkaupshátíð.
Enginn hefir lagt jafn fagnandi af stað í fjallgöngu lífsins
eins og hann. Hann sækir liærra og hærra, gefur altaf
meira og meira af þeirri auðlegð, sem faðir bans á himn-
um hefir veitt honum, leiðir lærisveina sína lengra og
lengra að uppsprettu lífsins og sannleikans.