Kirkjuritið - 01.12.1953, Side 10

Bróðurhöndin hvíta, hreina,
hún á smyrsl við sárum meina —
æðstan mátt, sem upp oss hefur,
öllum veikum styrkinn gefur,
um oss vefur ást og mildi.
Alla smáða ver með skildi.
Reisir við, ef hrösun hendir,
himnesk sýn — og upp oss bendir.
Grýtt er leiðin, gjótur, eggjar
gína við, og þröngt til veggjar.
Kvíðinn fótur fet sitt tefur —.
Fagra hönd, sem Ijósið gefur,
láttu gullna geisla streyma
gegnum tímans djúp og heima. —
Kyndill Ijóss þíns, Kristur, lýsi oss.
Kærleiks sól þín leiðir vísi oss.
Guðdóm drottins dýrðarsólin
döprum mannheim gaf um jólin,
frið og blessun færði hjörtum —
föðurást í geislum björtum.
Ragnhildur Gísladóttir.