Kirkjuritið - 01.12.1953, Page 22

244
KIRKJURITIÐ
Næsta ár sat hann fund höfuðbiskupa Norðurlanda í
Kaupmannahöfn, og 1946 biskupafund Norðurlanda í
Stokkhólmi.
Vorið 1947 sótti hann Lúterska kirkjuþingið í Lundi
ásamt fleiri fulltrúum, og á þeim fundi gekk þjóðkirkja
Islands inn í Lúterska heimssambandið.
Sumarið 1948 sat hann mjög fjölmennan biskupafund,
sem erkibiskupinn af Kantaraborg boðaði til í Lambeth-
höllinni í London.
I nóvembermánuði 1950 sigldi hann til Vesturheims sér
til heilsubótar og heimsótti þá jafnframt Islendinga í
Canada. Úr þeirri för kom hann í febrúar árið eftir.
Hann sótti fjölmennt mót að Hindsgavl á Fjóni sumarið
1952. Gekkst Kirknasamband Norðurlanda fyrir mótinu,
en biskup var í stjórn sambandsins og nýkosinn formaður
þess, er hann lézt. Fáum dögum síðar var hann fulltrúi
Prestafélags Islands á fundi í Linköbing.
1 sumar, sem leið, tók hann loks þátt í hátíðahöldunum
í Þrándheimi til minningar um setning erkibiskupsstólsins
þar 1153. Var það síðasta utanför hans, og stóð hún yfir
í tæpan mánuð.
Hann ferðaðist einnig mikið hér innan lands, við vísi-
tazíur, kirkjuvígslur og til fundarhalda, og var hvarvetna
fagnað hið bezta. Hafði hann vísiterað mest-allt landið,
er hann lézt.
Hann reit hirðisbréf og sendi það prestum og próföst-
um á Islandi 1940. Einnig gaf hann út Kirkjublaðið fra
ársbyrjun 1943 og til dauðadags. Skrifaði hann í það fjölda
greina og í ýms önnur blöð eða tímarit.
Starfsferill prestsins og prófastsins og biskupsins verður
rakinn hér síðar í sérstökum greinum, er þeir menn rita,
sem bezt þekktu til. Er bjart yfir honum öllum og auðsén
heilindi hugarfarsins og þráin til að vinna sem mest og
bezt kirkju og þjóð.
Útför biskups fór fram á kostnað ríkisins með mikilh
viðhöfn 21. október. Var hún ein hin fjölmennasta og veg-