Kirkjuritið - 01.12.1953, Side 50

272
KIRKJURITIÐ
maí 1947). 1 lögum þessum felast margháttaðar endurbæt-
ur frá eldri löggjöf, sem hér er ekki rúm til að rekja í
einstökum atriðum.
Frá 1. janúar 1938 hafa byggð verið samtals 31 prests-
seturshús og eru þá meðtalin þau, sem nú eru í byggingu.
Þess utan hafa farið fram meiri háttar aðgerðir á eldri
prestssetrum og verið til þeirra aðgerða varið hin síðari
ár 300—500 þúsundum króna á ári.
8. Lög um laun starfsmanna nkisins (nr. 60, 12. marz
1945). Barátta biskups fyrir bættum launakjörum presta-
stéttarinnar lauk með því, að samkv. hinum nýju launa-
lögum voru grunnlaun prestanna ákveðin kr. 6000.00,
hækkandi um 400 kr. á ári í 6 ár upp í kr. 8400.00, en
samkvæmt launalögum 1919 voru laun þeirra kr. 2000.00,
hækkandi þriðja hvert ár um kr. 200.00 upp í kr. 3000.00.
Varðandi biskupsembættið er rétt að geta þess, að
fyrir forgöngu biskups hefir ríkið komið upp sérstökum
biskupsbústað í Reykjavík, þar sem biskup hefir ókeypis
íbúð, en áður var ekkert slíkt biskupssetur fyrir hendi.
Ennfremur hefir verið séð fyrir mjög sæmilegu húsnæði
fyrir skrifstofur embættisins.
Loks er þess að geta, að fyrir tilstuðlan biskups, bar
Sigurður Ó. Ólafsson, 2. þm. Árnesinga, fram á Alþing1
frumvarp um kirkjubyggingasjóð, er væntanlega nasr
fram að ganga á þessu þingi. Mun það frumvarp, ef að
lögum verður, lyfta mjög undir kirkjubyggingar í landinu.
Er og sízt vanþörf á því, að ríkið veiti hinum fátæku og
fámennu söfnuðum nokkra aðstoð til þess að reisa sóma-
samlegar safnaðarkirkjur. En það er nú orðið slíkum
söfnuðum algjörlega ofviða án einhverrar aðstoðar af
hálfu þess opinbera.
I biskupstíð herra Sigurgeirs Sigurðssonar var fremur
lítið um kirkjubyggingar. Olli þar mestu um heimsstyrj-
öldin síðari, sú síaukna dýrtíð, er af henni leiddi og Þæl
miklu hömlur, er ríkisvaldið setti á allar húsabyggingar-
Þó voru á þessu árabili byggðar á milli 10 og 20 kirkjur