Kirkjuritið - 01.02.1956, Side 45

j Innlendor fréttir
Séra Lárus Halldórsson, prestur í Flatey, hefir fengið lausn frá
prestsskap frá 1. febrúar að telja. Hann þjónaði um hríð Brjánslækjarpresta-
kalli. Hann verður nú forstöðumaður Sjómannastofunnar í Reykjavík.
Lausn frá prestsskap frá næstu fardögum hafa ennfremur fengið
þessir prestar: Séra Bjöm H. Jónsson Amesi, Séra Guðmundur Sveinssson
Hvanneyri, Séra Sigurjón Jónsson Kirkjubæ. — Séra Björn er nú kennari
við Gagnfræðaskóla Austurbæjar í Reykjavík og séra Guðmundur skóla-
stjóri Samvinnuskólans að Bifröst.
Kirkjuniál á Alþingi Frumvörp um kirkjuítök og sölu þeirra, svo og
um varaprest og tvo presta í Vestmannaeyjum, hafa nú verið samþykkt á
Alþingi.
Séra Bengt-Thura Molander framkvæmdarstjóri Alkirkjuráðsins í
æskumálum var hér á ferð nýlega. Segir væntanlega síðar nánar frá starfi
hans.
Séra Eil'íkur heitinn Helgason prófastur í Bjarnarnesi óskaði þess,
er hann vissi dauðann á næstu grösum, að fá að lesa Passíusálmana í út-
varpinu. Nú er þessi lestur fluttur. Þetta er einstök og fögur kveðja prests-
ins til þjóðar sinnar.
Jóhann HÚSS, Sendiráðsfulltrúi Tékkóslóvakíu, Jarqslav Zantovsky,
og stjóm Gamla Bíós í Reykjavík buðu nokkrum gestum að sjá kvikmynd
með þessu heiti nýlega. Myndin er vel gerð og áhrifamikil, og á m. a.
erindi til allra kirkjulegra og veraldlegra yfirvalda. Það er görnul og ný
saga, að misbeita má valdinu, en að Guðs orð verður ekki fjötrað, og sann-
ir drottins þjónar verða öldum og óbornum til blessunar. — Réttarmorð,
pyndingar og kúgun verða aldrei og hvergi réttlætt. Heill sé kynslóð vorri
ef hún lætur ásannast skilning sinn á því, að „Sannleikurinn mun gera yður
frjálsa“, og „Allt það, sem þér viljið að aðrir rnenn gjöri yður, það skuluð
þér og þeim gera“. — Krists nafni er ekki að óþörfu flíkað í textanum, en
myndin öll gerir manni það dagljóst, að það er ekki eingöngu alltaf verið
að krossfesta hann. Hann er líka alls staðar að rísa upp.