Kirkjuritið - 01.10.1956, Page 26

PTSTL3R
Bjartai kirkjur.
Nýmyndun þessara miklu breytingartíma nær einnig til kirkju-
húsanna. Margar kirkjur eru reistar um allar jarðir og sumar all-
nýstárlegar við fyrstu sýn. Kirkjustíllinn er afarforn og hefur
haldizt í megindráttum um aldir. Það ber að muna og virða.
Ef betur er að gáð sést líka, að jafnvel þar, sem útlit kirknanna
virðist hvað mest stinga í stúf við fortíðina, er þó hið innra þess
oftast gætt að varðveita hinar fornu erfðir m. k. að miklu leyti.
Hér verður aðeins bent á fáein augljós einkenni nýkirknanna.
Margar þeirra er fremur litlar, enda oft gert ráð fyrir stækkun
eða möguleiki að opna inn til safnaðarsala. Miðað er við raun-
verulega þörf safnaðanna. Kirkjusókn er víðast næsta lítil og
söfnuðurnir fátækir, t. d. í nýjum borgarhverfum. Hvers vegna
að íþyngja mönnum með meiri álögum en aðkallandi þörf kref-
ur? Jafnvel má stundum nota ódýrt efni til að koma upp bráða-
birgðakirkjum á kostnaðarlítinn hátt. Þær geta samt verið hent-
ugar og fagrar. Og framtíðin á þá enn betri kost umbóta og
stækkunar, ef með þarf.
Brött og há ris eru algeng, sum ná niður undir jörð. Minna
dálítið á íslenzk bæjarþök og burstir. Stundum eru þökin í boga-
stíl. Þegar komið er inn fyrir dyrastaf þessara kirkna, er Ijóst, að
þar gætir mjög gotneskra áhrifa. Að öðrum þræði er hér um nokk-
urs konar útfærslu, að hinum um nokkur frávik og tilbrigði þessa
stíls að ræða. Lýsing er sérstaklega nýstárleg og eftirtektarverð.
Sumir stafnanna eru alveg úr gleri af sérstakri gerð. Stundum
jafnvel önnur hliðin. Sé miklu til kostað og efni fyrir hendi eru
glermálverk í stað altaristöflu og einnig til skreytinga. Þetta m.
a. gerir nýju kirkjurnar bjartar og svip þeirra léttari og glaðari