Kirkjuritið - 01.01.1959, Qupperneq 17

Ályktanir og afgreidd mál
fyrsta kirkjuþings Þjóðkirkju íslands,
er haldið var 18.—31. okt. 1958.
I. Frumvarp um biskupa Þjóökirkju íslands, lagt fram af
kirkjumálaráðherra og biskupi.
Kirkjumálanefnd þingsins, þeir Þórarinn Þórarinsson, Jón
Auðuns, Þorsteinn Gíslason, Jón Tómasson og Magnús Már
Lárusson, skilaði nýju frumvarpi, er koma skyldi í stað hins,
og var það samþykkt af kirkjuþinginu með nokkrum breyt-
ingum, og var það afgreitt í heild, sem hér segir:
Frumvarp til laga um biskupsdœmi Þjóökirkjunnar.
1. gr. Tveir skulu vera biskupar í hinni evangelísk-lútersku
Þjóðkirkju á íslandi. Situr annar í Reykjavík og nefnist Skál-
holtsbiskup, en hinn á Akureyri og nefnist Hólabiskup.
Biskupunum skulu búin dvalarskilyrði í Skálholti og á Hól-
um. Skulu þeir dveljast þar, þegar þeim þykir henta og ber
skylda til samkvæmt 6. gr.
Heimilt er kirkjumálaráðherra að ákveða, að Hólabiskup skuli
sitja á Hólum, enda hafi það áður verið samþykkt af þjónandi
þjóðkirkjuprestum og safnaðarfulltrúum biskupsdæmisins.
2. gr. Skálholtsbiskup hefir stjórn og yfirsókn frá Austur-
Skaftafellsprófastsdæmi til Norður-ísafjarðarprófastslæmis, að
báðum meðtöldum, og er það Skálholtsbiskupsdæmi, en Hóla-
biskup um hinn hluta landsins, sem er Hólabiskupsdæmi.
3. gr. Kosningarrétt við biskupskjör hafa prófastar og þjón-
andi prestar Þjóðkirkjunnar í því biskupsdæmi, er veita á. Hver
kjósandi kýs einn þeirra, er kjörgengir eru til embættisins.
Réttkjörinn biskup er sá, sem fær meira en helming greiddra
atkvæða. Nú fær enginn það atkvæðamagn, og skal embættið
þá veitt þeim þeirra þriggja, er flest fengu atkvæði, sem hlut-
aðeigandi stjómarvöld telja bezt til þess fallinn.
Kjörgengir til biskupsembætta eru allir þeir, sem kjörgengi
hafa til prestsembættis í Þjóðkirkjunni.