Kirkjuritið - 01.01.1959, Side 40

34
KIRKJURITIÐ
andvígur í sumum meginefnum meira að segja. Kostir þessarar
bókar liggja í augum uppi. Höfundur er sem kunnugt er mikill
stílisti, vandar framsetningu sína og hefir ákveðnar skoðanir,
sem hann mælir með af lifandi áhuga. Það er ennfremur megin-
sjónarmið hans, að hann vill ræða vandamál samtíðarinnar í
ljósi Ritningarinnar, og bendir bókartitillinn til þess. Finnst mér
raunar, að hann gæti verið betri, en það eru smámunir.
Enginn vafi leikur á því, að þessi bók og aðrar ræður og rit-
gerðir mikilhæfra kirkjumanna, þótt þá greini á um hitt og
þetta, eiga brýnt erindi til alls almennings. Ber því að fagna
þeim og óska, að þær verði sem mest lesnar. Eitt höfuðmein
kirkju vorrar nú er einmitt það, að hún megnar ekki að halda
uppi fjölbreyttri útgáfustarfsemi til áróðurs fyrir kristna lífs-
skoðun og kristilegt líferni. Það er markmið dómprófastsins
með bók sinni.
Edourd Schuré: Vígöir meistarar. Bjöm Magnússon prófessor
íslenzkaöi. Bókaforlag Odds Björnssonar, Akureyri.
Mikil bók að vöxtum og fróðleg að innihaldi. Auk inngangs
að kenningu dularfræðanna skiptist bókin í átta meginkafla:
Rama (Aldaskeið Aría), Krishna (Indland og Brahmanavígsl-
an), Hermes (Launhelgar Egiptalands), Móses (Ætlunarverk
Israels), Orfeus (Launhelgar Dyonysosar), Pyþagoras (Laun-
helgarnar í Delfi), Plató (Launhelgamar í Elevsis) og Jesús
(Ætlunarverk Krists). Þetta sýnir, að hér er um efni að ræða,
sem flestir eru allófróðir um, en mun samt fýsa að kynnast.
Því að hér segir frá dularkenningum sumra þeirra, sem hæst
hafa litið og dýpst kafað í þekkingarleit sinni. Ekki verður því
neitað, að trúarbrögðin kenna margt, sem ekki verður fengin
vitneskja um nema með opinberun og á leiðum dulskynjana.
Líka víst, að öll trúarbrögð geyma margvísleg sannindi og öll
trúarrit segja frá margháttaðri reynslu. Þess vegna er það gleði-
legt, að menn hafa á síðari áratugum, sumir hverjir, fengið löng-
un til að fræðast um þessi efni og sem víðast að. Kristindómur-
inn á ekkert á hættu, þótt menn kynnist öðrum trúarbrögðum
og beri þau saman við hann af sannleiksást og heilbrigðri skyn-
semi. Síður en svo. Ljós hans mun skína þeim mun skærar. Bók
sú, sem hér um ræðir, er meir en hálfrar aldar gömul og mundi
efalaust fyllri, ef nýjustu rannsóknir þessara fræða hefðu kom-