Kirkjuritið - 01.01.1959, Blaðsíða 37

Góðtemplarareglan á íslandi.
Ég árna heilla Góðtemplarareglunni á Islandi á 75 ára af-
mæli hennar. Væri hér um einstakling að ræða, væri hann gam-
all orðinn, en allt öðru máli er að gegna um þjóðfélagshreyf-
ingu. Hún er enn ung á þessum aldri. Þegar vér óskum ham-
ingju á afmælisdegi, horfum vér ekki aðeins fram, heldur einn-
ig yfir það, sem liðið er, og samfögnum yfir því, er áunnizt
hefir. Og hér er það mikið og margt, eins og alkunnugt er, og
of langt upp að telja. En í nafni Þjóðkirkju íslands vil ég þakka
það og biðja, að það megi verða sem ávaxtaríkast fyrir sið-
menningu þjóðarinnar. Ég fagna því samstarfi, sem hefir átt
sér stað með Góðtemplarareglunni og kirkjunni, og á sér enn
stað í ýmsum greinum, enda byggir reglan einnig á kristileg-
um grundvelli. Ýmsir hinna ágætustu presta hafa verið í braut-
ryðjendaflokki reglunnar og eru það enn í dag.
Frækornið, sem sáð var á Akureyri 10. janúar fyrir 75 árum,
hefir sannarlega fallið í góðan jarðveg og borið ávöxt að þrí-
tugföldu, sextugföldu og hundraðföldu, og akur þess er ísland
allt.
„Af ávöxtum þeirra skuluð þér þekkja þá“ er mælikvarðinn,
sem Kristur leggur á líf mannanna. Fyrir því stendur nú Góð-
templarareglan á íslandi í björtu ljósi, og hugsjón hennar blas-
h’ við háleit og fögur.
Mér kemur í hug átakanleg og dýrleg mynd í heiði hins forn-
norræna heims.
Ég sé konu forkunnar fríða. Armar lýstu og af þaðan allt
loft og lögur. Hún stendur hjá þeim, sem liggur ósjálfbjarga
°g hún ann. Hún heldur hátt á lofti mundlaug yfir höfði hon-
um og varnar því, að drjúpi í andlit honum eitur frá snáki, er
hangir þar uppi. Hún leggur fram allan þrótt sinn, en getur
Þó ekki til fulls stöðvað áhrif eitursins og sér þá þann, sem
hún ann, afmyndast í kvalateygjum. Þrátt fyrir það gefst hún
ekki Upp. Það mun hún aldrei gjöra, heldur stendur örugg á
verðinum, „unz veröld ferst og slokknar sál“.