Kirkjuritið - 01.01.1959, Blaðsíða 44

38
KIRKJURITIÐ
Felix Ólafsson: Sól yfir Blálands byggöum. — Bókagerðin
Lilja.
Allir vita, að íslendingar hafa rekið trúboð í Suður-Eþíópíu,
og hafa þau hjónin Felix Ólafsson og frú Kristín Guðleifsdóttir
unnið þar geysimikið og erfitt brautryðjendastarf ásamt Ing-
unni Gísladóttur hjúkrunarkonu. Bréf Felixar, sem birzt hafa í
Bjarma, hafa vakið mikla eftirtekt og forvitni. Veldur þar ekki
aðeins um starf sjálfra kristniboðanna, heldur og hitt, að drottn-
ingin frá Saba kom frá Eþíópíu á fund Salómós, og þangað
barst kristindómurinn einna fyrst, svo sem greint er í Postula-
sögunni. Síðan hefir haldizt þar kristni og er kirkjan sú að
mörgu sérstæð. Einnig kom landið mikið við sögu, er ítalir
brutu það undir sig fyrir síðari heimss^yrjöldina og varð þá
Haile Selassie keisari heimsfrægur maður. Bók Felixar á því
eflaust vísa marga lesendur. Hann lýsir landi og þjóð á skil-
merkilegan hátt og segir margt frá kristniboðinu. Fer hér sam-
an gagn og gaman, mikil fræðsla og holl og vekjandi áhrif.
Myndir eru til skýringar. Höfundinum er sómi að bók sinni —
og starfi. — G. Á.
Prestskvennaf 11 nd ur Xordnrlan ila
verður að forfallalausu haldinn í Sigtúnum í Svíþjóð dagana
20.—23. ágúst 1959. Aðalumræðuefni: Tilbeiðsla og bæn. Dag-
skrá fundarins í einstökum atriðum er þó ekki enn fullsaminn.
Þess er vænzt, að fundurinn verði vel sóttur, enda mun reynt
að stilla kostnaði í hóf. Þátttaka héðan frá íslandi verði til-
kynnt stjórn Prestskvennafélags íslands, en formaður hennar
er frú Anna Bjarnadóttir í Reykholti.