Kirkjuritið - 01.12.1960, Qupperneq 12

Jólanótt í Reykjavík.
Fyrir jólin hafa allir nóg að gera, bæði í sveitum og kaup-
stöðum, en hvergi virðast menn þó hafa meira að gera en i
sjálfum höfuðstað landsins, Reykjavík.
Strax með aðventunni er farið að minna á jólin. Jólaskreyt-
ingar eru settar upp í búðargluggana og kaupsýslumenn spara
ekki að minna á jólavarning sinn. Þegar í byrjun desember eru
settar upp íburðarmiklar jólaskreytingar við helztu götur bæj-
arins, með grenigreinum og marglitum ljósum, og stórum jóla-
trjám er komið upp á torgum víðs vegar um bæinn.
Á heimilunum er nóg að gera og á götum úti er ys og þys
og svo mikil umferð, að gera verður sérstakar ráðstafanir til
þess að afstýra slysum.
Hámarki sínu nær jólaundirbúningurinn á Þorláksmessu, þa
eru verzlanir opnar til miðnættis, því að margir hafa þann sið
að kaupa ekki jólagjafir sínar fyrr en einmitt þetta kvöld-
Aldrei eru fleiri á ferli í Reykjavík en á Þorláksmessu, þá er
bannað að aka bifreiðum um miðbæinn og þá ganga menn 1
mestu rólegheitum um Aðalstræti og Austurstræti, alveg eins
og í gamla daga, áður en bifreiðar komu til sögunnar.
Og loks rennur upp aðfangadagurinn og þegar kvöldar færist
jólahelgin yfir allt. Kirkjuklukkur Reykjavíkur hringja inn ha-
tíðina og kl. 6 streymir fólkið til aftansöngs. Kirkjusóknin er
mikil, nú eru kirkjurnar of litlar, færri komast að en vilja-
Kirkjurnar óma af lofsöngvum jólanna og jólaboðskapurinn
er fluttur, og útvarpið flytur jólaguðsþjónustuna inn á heim-
ilin. Hátíðin er komin, hátíð heimilanna og fjölskyldunnar. Nu
vilja allir vera heima.
Það er jólasvipur bæði úti og inni. Við höfum áður minnzt
á skreytingar á götum úti, en nú bætast við jólaskreytingar við
fjölda húsa og ljós eru sett í glugga.