Kirkjuritið - 01.12.1960, Síða 25

KIRKJURITIÐ
455
anda, svo sem bræðralagshugsjónina, öllum kirkjudeildum bet-
ur, og hin rómversk-kaþólska væri óneitanlega fjölmennasta og
áhrifamesta kirkjudeildin þann dag í dag. Þá hefði og Jóhannes
páfi 23. þegar sýnt meiri víðsýni og skilning í garð annarra
kirkjudeilda en nokkur fyrirrennari hans. Boðskapur hans um
þá ákvörðun sína að stofna til almenns kirkjuþings, sem öllum
kirkjudeildum væri heimilt að senda fulltrúa til, sannaði, að
honum væri ljós þörf á meiri einingu kristinna manna en nú
hefur ríkt, og líklegt, að hann ætlaðist ekki til, að hún næðist
með einræði kaþólsku kirkjunnar. Því væri skylt að rétta fram
hönd til samstarfs, eins langt og auðið væri.
Skýrt var þó tekið fram þegar í upphafi, að ekki ætluðu þeir
páfi og erkibiskup að ræða um annað en „daginn og veginn“ —
en það hefði óneitanlega sitt gildi og gæti orðið upphaf að öðru
meira.
Vafalaust teljum vér íslendingar, að dr. Fisher hafi stigið hér
stórmannlegt og rétt spor. Oss undrar það helzt, að það skuli
ekki hafa verið gert fyrir löngu. Allir vita, að það var bæn
Krists og höfuðboð, að lærisveinar hans væru allir samhuga og
samhentir — sannir bræður. Klofningur kirkjunnar og enda-
lausar deilur þeirra og einhverra hinna og þessara sértrúar-
flokka, oftast um meiri og minni aukaatriði eða jafnvel ytri
siði — meira að segja hinar og þessar hártoganir —, hafa, spillt
kristninni og hindrað sigurgöngu hennar öllu öðru fremur.
Sá skilningur hefur til allrar blessunar gefið einingarstefn-
unni byr undir báða vængi, einkum á þessari öld. Og allir vita,
að aukin eining er undir því komin, að engin kirkjudeild telji
sig eina rétta í öllum atriðum, né heimti skilyrðislaus yfirráð,
heldur verðum vér að taka höndum saman um að berjast fyrir
því, sem vér erum allir sannfærðir um, að er rétt. T. d. trúnni
á Krist og bræðralagi allra manna. Heimsástandið krefst sam-
einingar og samstöðu kristinna manna. Vér skulum vona, að
þessir fundir höfuðmanna hinna fjölmennustu kirkjudeilda séu
fyrirboðar þess, að allir lærisveinar Krists taki höndum saman
um að efla veg hans og áhrif sem mest.
-4 þröskuldinum.
Stundum er nú talað um, að heimurinn sé orðinn svo afar
lítill. Þá er átt við, að flugtæknin, útvarpið og sjónvarpið og