Kirkjuritið - 01.12.1960, Blaðsíða 30

460
KIRIÍJURITIÐ
4. gr.
Þegar biskup hefur fengið gögn kjörfundar í hendur, kynnir
hann sér niðurstöðu og sendir kirkjumálaráðherra skýrslu um
kjörið, ásamt tillögu sinni um það, hverjum skuli veita emb-
ættið. Ef hann styður með tillögu sinni þann umsækjanda, sem
hlotið hefur flest atkvæði, skal veita embættið samkvæmt því.
Falli atkvæði hans á annan umsækjanda en þann, sem flest hef-
ur atkvæði kjörmanna, veitir ráðherra embættið þeim þessara
tveggja umsækjenda, sem hann telur hæfastan.
5. gr.
Heimilt er kjörmönnum að kalla prest. Ef kjörmenn einnar
sóknar eða fleiri í prestakallinu eru einhuga um að kalla prest
án umsóknar, gera þeir prófasti viðvart um það þegar í stað,
en hann gerir biskupi aðvart. Biskup felur þá prófasti að boða
kjörmenn prestakallsins á sameiginlegan fund innan viku, og
er þá embættið eigi auglýst. Ef % kjörmanna samþykkja að
kalla tiltekinn mann til embættisins, en um það skal atkvæða
leitað á sama veg og segir í 3. gr., skal leita samþykkis biskups
á kölluninni og honum falið að birta hana þeim presti eða
kandídat, sem í hlut á. Taki hann köllun að fengnu samþykki
biskups, skal veita honum embættið.
6. gr.
Prestsembættin að Skálholti, Hólum og Þingvöllum veitir for-
seti að fenginni tillögu biskups.
Nefndarálit löggjafarnefndar Kirkjufnngs um frv.
um veitingu prestakalla.
Nefndin hefur athugað frv. og rætt það á mörgum fundum-
Hingað til hefur við það setið, að gagnrýnt væri það fyrir-
komulag, sem nú er í gildi um kosningu presta og veitingu
prestsembætta, en minna um það, að bornar væru fram tillögur
til úrbóta. Er frv. það, sem borið hefur verið fram á þessu
Kirkjuþingi, fyrsta sporið, sem stigið hefur verið í þá átt á vett-
vangi kirkjulegs félagsskapar. Þess er því eigi að vænta, að strax
sé fundin sú leið til endurbótar, sem allir vilji fallast á, enda
kom það í ljós á fundum nefndarinnar, að allmikill skoðana-
munur var meðal nefndarmanna um ýmis þau atriði, sem her
koma til álita. Nefndarmenn vilja þó ekki á þessu stigi máls-