Kirkjuritið - 01.12.1960, Qupperneq 40

Vinnuflokkur reisir kirkju,
Síðast liðið sumar var mikið um að vera i Grundarfirði.
Bændahátíð Snæfellinga var haldin í Grafarnesi á Jónsmessu,
24. júní. Var hátíðin fjölsótt og þótti takast vel. Guðsþjónusta
var haldin í samkomuhúsinu og skemmtisamkoma á eftir.
Héraðsfundur Snæfellsnessprófastsdæmis var haldinn í Graf-
arnesi og að Setbergi 2. og 3. júlí. Fundarstaður og tími var
valinn með tilliti til þess, að héraðsfundarmönnum gæfist kost-
ur á að kynnast þátttakendum og starfi vinnubúða Alkirkju-
ráðsins, sem þá stóð yfir í Grafarnesi.
Merkasti viðburður sumarsins var að sjálfsögðu vinnubúð-
irnar. Þær stóðu yfir frá 18. júní til 14. júlí. Þátttakendur voru
11, 3 íslendingar, 4 Bandaríkjamenn, 2 Danir, Hollendingur og
Þjóðverji. Auk þess starfaði séra Ólafur Skúlason með flokkn-
um fyrstu dagana. Svo sem sjá má, voru vinnubúðirnar alþjóð-
legar, en þær voru einnig í raun og sannleika alkirkjulegar, því
að þarna störfuðu saman sem bræður lúterskir og reformertir,
baptisti og biskupakirkjumaður. Unnið var að byrjunarfram-
kvæmdum við Grafarneskirkju. Að vísu hófst grunngröftur
haustið 1959, en byggingarframkvæmdir hófust ekki, fyrr en
með komu vinnuflokksins. Byggingarmeistari var Guðbjartur
Jónsson úr Reykjavík. Reyndist hann afburða farsæll stjórn-
andi og var í miklum metum, jafnt hjá þátttakendum í vinnu-
búðunum sem heimamönnum. Framkvæmdum var fram haldið
eftir brottför vinnuflokksins og lokið við að steypa kjallara
kirkjunnar, en þar er ætlunin, að félagsheimili kirkjunnar verði
í framtíðinni. Er það allstór salur, sem á að taka um 80 manns
í sæti, og auk þess eldhús og fleiri smáherbergi. Ráðgert er, að
söfnuðurinn fái þarna aðstöðu til guðsþjónustuhalds cg annars
starfs, á meðan verið er að byggja sjálfa kirkjuna. Hefur söfn-
uðurinn staðið straum af kostnaði við þann áfanga, sem kom-
inn er, en þyrfti nauðsynlega á aðstoð að halda til að geta full-