Kirkjuritið - 01.12.1960, Page 37

KIRKJURITIÐ
467
5. gr.
Lausar organleikarastöður skulu auglýstar í Lögbirtingablað-
inu. Umsóknir séu stílaðar til kirkjumálaráðuneytisins, en send-
ar aðilum til umsagnar, eftir nánari ákvæðum í reglugerð. Um-
sækjendur með fullnaðarprófi frá Söngskóla þjóðkirkjunnar og
Kennaradeild Tónlistarskólans ganga fyrir öðrum, nema mennt-
un og hæfni annarra umsækjenda sé óumdeilanlega jöfn eða
meiri en hinna.
IX. Tillaga til þingsályktunar um fyrningarsjóð kirkna.
Flutt af séra Sigurði Pálssyni.
Tillagan er svohljóðandi:
Kirkjuþing ályktar að leggja til við kirkjustjórn, að sett
verði ákvæði í lög um fjárhald kirkna um það, að kirkjur
skuli ár hvert leggja tiltekna upphæð í fyrningarsjóð.
Sjóður þessi ávaxtist í Hinum almenna kirkjusjóði. Stjórn
hans skipi sóknarnefnd að viðbættum prófasti. Yfirstjórn
hans sé í höndum stjórnar Hins almenna kirkjusjóðs.
Sjóðnum skal varið til viðhalds og endurbyggingar kirkna.
Allsherjarnefnd hafði málið til meðferðar og lagði til,
að því væri vísað til kirkjuráðs til undirbúnings fyrir
næsta Kirkjuþing. Tillaga nefndarinnar samþykkt sam-
hljóða.
X. Frumvarp um breyting á lögum um kirkjubyggingasjóð,
lög nr. 43, 14. apríl 1954.
Flutt af biskupi.
1. málsgr. 2. gr. orðist svo:
„Ríkissjóður skal greiða í Kirkjubyggingasjóð eigi lægri
upphæð en kr. 1.000.000,00 á ári næstu 20 ár.“
Á eftir 1. málsgr. 3. gr. komi:
„Stjórn sjóðsins er heimilt að hækka lánsupphæðir þær,
er um ræðir í 1. málsgr. þessarar gr., til samræmis við
það, sem vísitala byggingarkostnaðar hefur hækkað hverju
sinni frá vísitölu tímabilsins 1. október 1953 til 30. sept-
ember 1954.“
Samþykkt samhljóða.
XI. Frumvarp til breytingar á 1. gr. laga (nr. 24, 17. marz
1954) um sóknargjöld.