Kirkjuritið - 01.12.1974, Side 49

Hallgrímsminning
Hallgrímur Pétursson, háleitt þitt starf
í hjarta vér geymum og letri.
íslenzkri þjóð léztu eftir þann arf,
sem öllum er fjársjóðum betri,
— blessun á válegum vetri:
Passíusálma, hið sígilda verk
um sigur í þjáning og dauða,
frelsarans mynd sem er fögur og sterk;
friðþœgir blóðið hans rauða,
— líkn vor í lífsstríði nauða.
Af hjarta vér þökkum hið þróttuga mál,
sem þjónað fœr lífinu sanna
og laðar fram skilning í leitandi sál
og löngun að mega það kanna,
— konungsorð kristinna manna.
Dóróthea Gísladóttir,
Hólkoti í Staðarsveit.
335