Kirkjuritið - 01.12.1974, Blaðsíða 90

Dr. Ramsey kveSur Kantaraborg
Á miðnætti 14. nóv. sl. lét dr. Michael
Ramsey af embætti erkibiskups í
Kantaraborg. Þennan sama dag varð
hann sjötugur að aldri. Hann kvaddi
biskupsdæmið laugardaginn 2. nóv. er
hann flutti messu í dómkirkjunni í
Kantaraborg. Mikill mannfjöldi flykkt-
ist til messunnar hvaðanæva úr bisk-
upsdæminu og verður í minnum haft,
hve samhugur var þar auðsær í til-
beiðslunni.
Erkibiskupinn bað söfnuðinn að
biðja fyrir kristniboðum, píslarvott-
um og öllum kristnum mönnum. Þótt
hér væri kveðjustund með eðlilegri
eftirsjá, þá einkenndist þessi guðs-
þjónusta af gleði og þakklæti til Guðs
fyrir þá náð, sem hann hefur birt í
öllum sínum heilögu.
Dr. Ramsey ræddi um nálægð Guðs
í predikun sinni. Hann sagði, að líf
hinna heilögu væri endurskin af kær-
leika Guðs og fórn, og þetta líf þeirra
hefði staðið og stæði sífellt föstum
fótum á jörðunni, væri kunnugt þreng-
ingum og þjáningum heimsins. Hann
sagðist líta til framtíðarinnar með trún-
aðartrausti. Ýmislegt benti til endur-
lífgunartíma, m. a. aukinn fjöldi ungra
manna, er gengju í þjónustu kirkjunn-
ar.
Að messu lokinni hyllti mannfjöld-
inn erkibiskupinn með miklum ákafa,
kirkjuklukkunum var hringt og erki-
biskupshjónin gengu til vesturdyra
kirkjunnar til að kveðja hina mörgu
vini sína. Stóð mannfjöldinn og heiðr-
aði þau hjónin og hinn mikilhæfa leið-
toga, sem allur þorri manna hafði lært
að virða og elska.
Dr. Ramsey t. v. og eftirmaður hans í Kantara-
borg Dr. Coggan t. h.
Rómversk-kaþólska kirkjan í
Austur-Þýzkalandi mótmælir
Rómversk-kaþólsku biskuparnir í Aust-
ur-Þýzkalandi hafa ritað hirðisbréf,
sem lesið hefir verið upp frá predikun-
arstólunum í öllum rómversk-kaþólsk-
um kirkjum. Eru yfirvöld ásökuð um
brot á mannréttindaskrá Sameinuðu
þjóðanna, er þau hindri þá unglinga-
sem kristnir eru í því að hljóta fram-
haldsmenntun. Sömuleiðis eru yfir'
völdin ásökuð um að brjóta stjórnar-
skrána, er kveður á um, að allir skuli
hafa jafnan rétt til menntunar án tillits
til trúar.
Hirðisbréfið hefir verið birt í vestur-
þýzkum blöðum og er rætt um, iive
bréfið sé afdráttarlaust. Rómverska-
kirkjan er minnihluta kirkja í Austur-
Þýzkalandi og höfðu menn ekki búiz*
við svo harðorðum ásökunum af henn-
ar hálfu.
376