Sjómannadagsblaðið - 26.05.1968, Blaðsíða 16

aðilum þcgar skrifað og þeir spurðir
álits og um hver afstaða þeirra væri. Er
vonandi að af þessu sameiginlega átaki
geti orðið og sjómenn fái að njóta ár-
angurs þess innan tíðar."
Því miður hafa aðilar, sem leitað var
til sýnt málinu of lítinn áhuga, þótt nú
hina síðari mánuði hafi verið um nokkra
breytingu að ræða þar á.
Við afgreiðslu síðustu fjárlaga á Al-
þingi tókst að ná fram myndarlegu fjár-
framlagi í þessu skyni, eða 800 þúsund
krónum. Er fjárveiting þessi bundin því
skilyrði, að ámóta upphæð komi á móti
annars staðar frá.
I byrjun þessa árs skipaði sjávarút-
vegsmálaráðherra nefnd manna til að
sjá um undirbúning, framkvæmdir og
frekari fjárútvegun til þess að koma upp
sjómannastofum á þeim stöðum, sem
þörfin væri mest. Er nefnd þessi skipuð
fulltrúum frá L. I. Ú., F. F. S. 1., S. S. f.
og samtökum síldveiðisjómanna, en for-
maður nefndarinnar er Hallgrímur Dal-
berg deildarstjóri í félagsmálaráðuneyt-
inu.
Á fyrsta fundi nefndarinnar var skýrt
frá áðurnefndri fjárveitingu Sjómanna-
dagsins í Reykjavík, 100 þús. krónum,
ennfremur að stjórn Sjómannasambands
íslands hefði samþykkt að leggja fram
jafnháa upphæð, og að fyrirheit lægi
fyrir frá stjórn F. F. S. I. þar um. Er
þess að vænta, að önnur skyld samtök
sýni sama skilning á þessu félagslega
vandamáli. Þá má geta þess, að leitað
hefur verið eftir því við stjórn Atvinnu-
leysistryggingarsjóðs, að hluti af því ráð-
stöfunarfé sjóðsins, sem lánað hefur ver-
ið til félagsheimila verkalýðsfélaga, verði
lánaður í sjómannastofur.
Af fyrstu upplýsingum, sem nefndin
aflaði sér, má marka vilja og áhuga ráða-
manna fyrir framgangi þessa máls á
nokkrum stöðum úti um land. Má nefna
t. d. Vestmannaeyjar, Fáskrúðsfjörð,
Seyðisfjörð og Eskifjörð. Síðast nefndi
staðurinn virðist sá eini af mörgum sjáv-
arplássum, er eiga ný og glæsileg félags-
heimili, sem ætlar að nýta hluta af því
í þessu skyni.
í þessu sambandi er bæði rétt og skylt
að geta þess, að í Neskaupstað hefur
verið rekin hin ágætasta sjómannastofa
í nokkur sumur, og um framtak Reykja-
víkurborgar í þessu efni, þ. e. Hafnar-
búðir, er öllum kunnugt.
En þrátt fyrir ágæta úrlausn þessa
2 SJÓMANNADAGSBLAÐIÐ
Pétur Sigurðsson.
vandamáls á þessum tveim stöðum, virð-
ist undirrituðum, að miðað við allar að-
stæður, hafi langstærsta átakið verið
unnið í Keflavík fyrir forgöngu Sjó-
mannadagsráðs þar. Er gert ráð fyrir að
Sjómannastofan þar verði rekin allt árið.
Fulltrúaráð Sjómannadagsins í
Reykjavík og Hafnarfirði hefur lagt í
stórframkvæmd á þessu vori, og er þar
um að ræða sjávarútvegssýninguna ,,Js-
lendingar og hafið", sem haldin verður
í Sýningarhöllinni í Laugardal maí—
júní i ár.
Sýningin verður opnuð 25. maí, dag-
inn fyrir Sjómannadag, og mun standa
í u. þ. b. tvær vikur. — Upphaflega var
ákveðið að sýningin yrði haldin í tilefni
30 ára afmælis Sjómannadagsins á sl.
ári. Sýningarhöllin fékkst ekki á þeim
tíma, sem æskilegastur var talinn og var
því ákveðið að fresta henni um eitt ár,
en nú eru 30 ár liðin frá því að fyrsta
og eina sýning þessarar tegundar -—
Sjóminjasýningin -—- var haldin hér á
landi og þá fyrir forgöngu sama aðila
og nú.
Stefnt er að því að sýningin verði sem
fjölbreytilegust og bezt úr garði gerð,
þótt óneitanlega hafi þeir efnahagslegu
erfiðleikar, sem að atvinnuvegum okkar
steðja um þessar mundir, dregið úr mik-
illi þátttöku, sem útlit var fyrir að yrði,
þegar hugmynd þessari var hreyft og
sýningin ákveðin fyrir tveimur árum.
Megintilgangur sýningarinnar er að
kynna almenningi í landinu margþætta
starfsemi sjávarútvegsins, gildi hans fyr-
ir þjóðina og hvert kapp hefur verið lagt
á að efla hann í hvívetna. Þar verður
sýnd í stórum dráttum þróun íslenzks
sjávarútvegs á liðnum áratugum og á
hvaða stigi hann stendur í dag, t. d. hinu
tæknilega sviði, hvaða tæki sjómenn
hafa til að geta sótt á fjarlæg mið, veið-
arfæri og hjálpartæki til veiðanna, og
hvaða þjónusta er innt af hendi á mörg-
um sviðum af hinu opinbera, bæði til
að auka öryggi sjómanna, auka aflann
og tryggja gæði þeirrar vöru, sem úr
honum er unnin. Sýnt verður hvernig
uppbygging skipastóls og fiskiðnaðar er
grundvölluð á starfsemi lánastofnana og
sjóða. Hversu viða kaupskipafloti lands-
manna flytur afurðir okkar og í hverju
starfsemi sölusamtakanna er fólgin, enda
verður hér m. a. um sölusýningu að
ræða, og hefur verið leitazt við að vekja
athygli útlendinga á sýningunni með
auglýsingum erlendis.
Þá hafa fjölmargir innflytjendur ým-
issa rekstrarvara sjávarútvegsins tilkynnt
þátttöku sína eða látið í ljósi áhuga á
þátttöku í sýningunni.
Þegar þetta er skrifað er of snemmt
að fella dóm um hvernig til tekst, enda
hvorki blað þetta sá vettvangur, sem
æskilegastur er til sliks, né sá sem þetta
skrifar dómbær þar um.
Undirbúningur sýningarinnar hefur
kostað ótrúlega mikið starf, og hafa
margir lagt hönd á plóginn og unnið
fómfúst starf. Starfsmönnum sýningar-
innar, sýningarnefnd, þátttakendum og
öðrum þeim, sem stuðlað hafa að því,
að af sýningu þessari gat orðið, em hér
færðar hinar beztu þakkir fyrir störf sín
og óbilandi áhuga.
Pétur Sigurðsson.