Gripla - 01.01.1982, Page 24
20
GRIPLA
sr. Jón konu og heimili og er fjarverandi á annað ár. Eitthvað veldur
því að hann kýs að vera á Hólum veturinn 1673-74, og liggur óneitan-
lega nærri að álykta að gleðin hafi orðið skammvinnari en hann ætlaði
þegar kvæðið var ort. Þó verður það ekki annað en getgáta.
SORGARLJ ÓÐ
Eftirtalin handrit eru notuð við útgáfu:
A. ÍB 387 8vo. Handritið fékk Bókmenntafélagið frá Þorsteini Þor-
steinssyni á Upsum (1825-1912). Á aftasta blaði er eftirfarandi greinar-
gerð Þorsteins: ‘Þessi Bók var mér gefin af góðkunníngja mínum
Sigurði Jóns syni Bónda á Hæríngstoðum í Ap(r)íl 1861. er hann lét
safna og bind(a). ÞÞorsteinsson á Upsum.’ Neðan við stendur með
öðrum bleklit: ‘Upphaflega verið söfnuð á Urðum meiri hluti (< partr).’
Bókin er sett saman úr sjálfstæðum kverum með ýmsum höndum.
Höndin á kvæði sr. Jóns Einarssonar er varla eldri en frá fyrri hluta
19. aldar. Skrá um efni bókarinnar er í Skýrslu um handritasafn hins ísl.
bókmenntafélags II, 1885, bls. 81-86; kvæði sr. Jóns er þar nr. 32.
Hún er kölluð í skýrslunni Hæringsstaða- eða Urðabók.
B1. JS 588 4to, bls. 41-43. Kvæðabók með hendi Gunnlaugs Jóns-
sonar bónda á Skuggabjörgum í Skagafirði (1786-1866). Á titilblaði er
ártalið 1840. Eftirrit Páls Pálssonar stúdents er í Lbs. 164 8vo, bls. 46-
49.
B2. Lbs. 1742 8vo, bls. 171-74. Talið með hendi Péturs Jónssonar
bónda í Hofdölum í Skagafirði (d. 1884), skr. ca. 1845. (Páll Eggert
Ólason, Skrá um handritasöfn Landsbókasafnsins II, 1927, bls. 342.)
B1 og B2 eru skyld handrit. Stundum virðist textinn upphaflegri í B1
(t. d. 10.5, 14.6, 15.3, 16.4), stundum í B2 (t. d. 4.6, 18.7, 20.6). A
hefur allvíða betri texta en B1'2, þótt það sé ekki gallalaust. Hins vegar
er texti B-handritanna sumstaðar álitlegri, og verður A-textinn leið-
réttur eftir þeim á fáeinum stöðum. B-handritin hafa einnig eitt erindi
(2. er.) umfram A. Hvorki verður gert ráð fyrir því að A sé skrifað eftir
B1-2 (eða forriti þeirra) né að B-handritin séu runnin frá A. Samband
handritanna gæti verið:
X
*B
B1 B2
A