Eimreiðin - 01.04.1943, Blaðsíða 20

100
VIÐ ÞJÓÐVEGINN
KIMREXÐIN
Hafi þessum skilyrðum verið fullnægt og ríkið fengið upptöku
í bandalagið, má ekki breyta stjórnarskrá þess með valdþoði.
En hægt á að vera að breyta henni með almennri atkvæða-
greiðslu undir handleiðslu bandalagsins, ef nægilegur meiri
hluti þegna ríkisins óskar þess, að slík atkvæðagreiðsla fari
fram. Slíkar breytingar ætti þó að gera sem sjaldnast, helzt
ekki á skemmri tíma en tuttugu og fimm ára fresti. Þessi skil-
yrði eiga að geta komið í veg fyrir borgarastyrjaldir, sem auð-
veldlega geta svo magnast og breiðst út — og í öðru lagi úti-
loka, að unnt sé að brjótast til valda og ná stjcrnartaumunum
með ofbeldi, eins og nú á sér stað.
Russell leggur einnig til, að allt uppeldi æskulýðsins sé
miðað við það að útrýma þjóðahatri og þjóðernishroka. Hann
vill láta hvert það ríki, sem gerist þátttakandi í bandalaginu,
fylgja ákveðnu uppeldiskerfi undir eftirliti fulltrúa bandalags-
ins, sem sjái um, að slíku kerfi sé fylgt út í æsar. Sjálfur er
Russell kunnur uppeldisfræðingur og hefur ritað mikið um
þau efni.
Heimsálfur í nýjum stíl.
í greininni „Bandaríki Evrópu“, sem áður er nefnd, lætur
höfundurinn í Ijós ótta við það, að Englendingar muni ekki
fást til að gerast aðilar að ríkjasambandi meginlands Evrópu,
þar sem þeir líti á þjóðir meginlandsins sem útlendinga, jafn-
vel fremur en þjóðir frá öðrum heimsálfum. Hvað sem hæft
er í þessu, er ekki líklegt, að ríkjasambönd þau, sem á kunna
að komast að lokinni þessari styrjöld, miðist fremur við megin-
land Evrópu en önnur lönd. Eins og Bertrand Russell bendir
á, eru það fjögur stórveldi, srtt úr hverri heimsálfu má segja,
sem koma til með að hafa forustuna um skipan heimsins að
fengnum sigri hinna sameinuðu þjóða í styrjöldinni: Bandaríki
Norður-Ameríku, Brezka alríkið, sem er samsett af meira og
minna sjálfstæðum þjóðríkjum í öllum álfum heims, Ráðstjórn-
arríkjasambandið rússneska, sem heyrir bæði til Evrópu og
Asíu, og loks Asíuríkið Kína. Ef heimurinn skyldi bera gæfu
til, upp úr þessari styrjöld, að sameinast, yrði fyrirkomu-
lagið að öllum líkindum í líkingu við Brezka alríkið án tillits
til heimsálfuskiptingar þeirrar, sem ríkt hefur undanfarið. Sú