Eimreiðin - 01.01.1955, Blaðsíða 28

Hálfri öld eftir að skáldið frá Hrauni í Öxnadal kvaddi þennan
heim, aðeins 38 ára að aldri, fæddist drengur að Fagraskógi við
Eyjafjörð, sem átti eftir að gera garðinn frægan, engu síður en
hinn fallni frændi hans hafði gert með óðsnilld sinni. Eyfirð-
ingarnir Jónas Hallgrímsson frá Hrauni og Davíð Stefánsson
frá Fagraskógi urðu báðir „skáld í muna og munni“ heillar
þjóðar. 1 meira en öld hafa ljóð þjóðskáldsins Jónasar heillað
hug og hjörtu landsmanna. Senn eru liðin 40 ár síðan Davíð
vakti fyrst athygli með ljóðum sínum, og í hugum fólksins er
hann einnig orðinn þjóÖskáld framar öðrum skáldbræðrum sín-
um með samtíð vorri. Á sextugsafmæli sinu, 21. janúar 1955,
hyllti öll þjóðin hann sem slíkan.
Erfðafræðin er enn ekki svo langt komin, að hún geti með
óyggjandi rökum fært sönnur á, hvort listgáfur séu arfgengar.
En miklar líkur þeirri skoðim til styrktar, að svo sé, hefur hún
á takteinum. Að Davíð Stefánssyni standa lærðir menn, bænd-
irr, skáld og unnendur þjóðlegra fræða í báðar ættir. Faðir
Davíðs, Stefán alþingismaður Stefánsson, bóndi að Fagraskógi,
var sonur séra Stefáns að Hálsi i Fnjóskadal, Árnasonar prests
að Tjörn í Svarfaðardal, Halldórssonar, Björnssonar á Æsu-
stöðum í Eyjafirði. En móðir Davíðs var Ragnheiður Davíðs-
dóttir, systir Ólafs Davíðssonar, þjóðsagnafræðings og -safnara,
en þau systkin voru börn séra Davíðs Guðmundssonar, síðast
prests að Hofi í Möðruvallaklausturskalli. Móðurbróðir séra
Davíðs var Jón Árnason, bókavörður og þjóðsagnasafnari. Eru
því tveir mestu þjóðsagnaþulir 19. aldar, hér á landi, náfrændur
Davíðs frá Fagraskógi. Ámma hans í móðurætt var Sigríður
Fagriskógur (gamli bærinn) á Galmaströnd í Eyjafirði. Árnesvík heitir vikin,
sem bærinn stendur við. Myndin er tekin eftir gömlu málverki.