Eimreiðin - 01.01.1963, Qupperneq 32

20
EIMREIÐIN
tónskáld voru þá uppi í Bretlandi, en standa í skugganum
af hinum risavaxna Hándel. Nefna má Arne-feðgana, Carey,
Croft, Festing og Greene, en tónlist þeirra er enn í miklum metum
þar í landi og víðar.
Fleiri erlend tónskáld urðu til þess að marka spor í brezkri tón-
listarsögu og ber þar hæst Jóhann Christian Bach, „enska Bach“,
son meistarans mikla, sem fluttist til Lundúna árið 1762 og gerðist
hirð-tónlistarstjóri þar. Hann flutti með sér nýja strauma til F.ng-
lands og sem áhangandi „Mannerheimskólans“ gerðist hann boð-
beri stíls Mozarts ásamt Haydn. Haydn var líka einn þeirra meistara
meginlandsins, sem heimsóttu Lundúni og skildu þar eftir sín áhrif.
Einnig varð Haydn fyrir sterkum áhrifum af óratóríum Hándels
og gætir þeirra í kirkjulegum verkum hans. Síðar komu þeir
Mendelssohn og Chopin til Bretlands og rómuðu mjög tónlistar-
menningu þar.
Er kemur fram á 19. öld, færist nýtt líf í brezkan tónskáldskap
með mönnum eins og Parry, Stanford, Elgar og Coleridge- Taylor.
Þótt áhrifa frá rómantík meginlandsins gæti í verkum þeirra, standa
þeir þó traustum fótum í brezkri arfleifð. Upp úr miðri öldinni
rís nýtt blómaskeið brezkrar tónlistar með impressionistanum Fr.
Delius, þjóðlegu tónskáldunum Cyril Scott, Bantock og Vaughan
Williams, sem einnig er í tölu fremstu symfóníutónskálda síðari
tíma. Þá má nefna Arnold Bax, Arthur Bliss, Gustav Holst og John
Ireland, sem allir eru mikilhæfir tónsmiðir á fyrri hluta þessarar
aldar.
Meðal núlifandi brezkra tónskálda ber hæst symfóníutónskáldið
William Walton, sem nú stendur á sextugu og er í tölu fremstu
tónskálda. Þá má nefna Benjamin Britten (f. 1913), sem er afkasta-
rnikið tónskáld, Georg Dyson, skólastjóri Royal Academy of Music,
Gordon Jacob, prófessor við sömu stofnun, Herbert Howells organ-
leikara og höfund merkra kirkjulegra tónverka og Alan Bush,
gagnmerkt tónskáld með persónulegan stíl. Meðal yngstu
kynslóðar eru margir efnilegir menn, hugkvæmir og leiknir s. s.
Andrew Byrne, f. 1925, Malcolm Williamson, f. 19.31, Maxwell
Davies, f. 1934, Richard Bennet, f. 1936.
Bretar hafa löngum átt góða skóla og hæfa tónlistarkennara.
Þeim er líka sýnt um skipulega og skýra framsetningu námsefnis.
Hljóðfæraleikarar þeirra eru í fremstu röð og sumar symfóníuhljóm-
sveitir þeirra eru meðal hinna beztu í heinri og nöfn hljómsveitar-