Eimreiðin - 01.04.1974, Page 5

GUNNAR TÖMASSON, HAGFRÆÐINGUR:
EIMREIÐIN
Verðbólga og
íslenzka hagkerfið
DRÖG AÐ EFNAHAGSLEGRI ENDURREISN
(Ritgerö í viðtalsformi)
— Verðbólga er viðurkennd sem mikilvægt vandamál, bæði
félagslega og stjórnmálalega, á Vesturlöndum, þ. á m. Islandi.
Hverjar eru orsakir þessa og hvað má segja um horfur á að
vinna bug á verðbólgu?
— Verðbólga er flókið fyrirbæri, sem á sér jafnt félagslegar
og stjórnmálalegar rætur sem og hagfræðilegar. Hagfi’æðingar
eru þó almennt sammála um að langvarandi verðbólga verður
til, þegar ekki tekst að samræma kröfur hinna ýmsu hags-
munahópa þjóðfélagsins um hlutdeild í þjóðarframleiðslunni.
Að þessu leyti er verðbólga fyrst og fremst þjóðfélagslegt og
stjórnmálalegt vandamál. Ákveðin sérkenni hins íslenzka hag-
kerfis hafa hins vegar leitt til mun meiri verðbólgu á Islandi en
í öðrum vestrænum ríkjum. Þegar liinar ýmsu orsakir verð-
bólgu hafa verið skilgreindar, þá er ekkert þvi til fyrirstöðu
tæknilega séð að vinna bug á henni, eða halda henni innan
viðunandi marka. Þar sem verðbólga er nú alþjóðlegt vanda-
mál, þá mætti markmið íslenzkra stjórnvalda vera að takmarka
verðbólgu hérlendis við það, sem gerist i grannríkjum okkar.
97