Uppeldi og menntun - 01.01.1995, Side 120

LJÓÐDREKAR
Við fyrstu sýn virðist dreifing ljóðlínanna vera handahófskennd en þegar betur er
að gáð kemur í ljós að hún minnir á flökt norðurljósa.
Að lokum er hér ljóð þar sem typógrafíu er beitt:
FORSÍÐUFYRIRSÖGN ÚR
SÁLARLÍFINU
Hendur skera á háls
Lífslíkur óverulegar
frh. bls. 3
(Ljóðdrekar II 1991:50)
Flúrað yfirbragðið sækir fyrirmynd sína í heim fjölmiðla og minnir á þá áherslu
sem dagblöð eru farin að leggja á fyrirsagnir og stuttar fréttir.
Rímuð Ijóð og stuðluð
Afar fá ljóð Ljóðdrekanna eru ort undir hefðbundnum bragarháttum enda fellur
bundinn kveðskapur illa að þeim áherslum og tjáningaraðferðum sem einkenna
nútíma ljóðagerð. Alls eru fimm ljóð ort undir íslenskum rímnaháttum sem allir eru
ferskeyttir. Dæmið hér á eftir er úr ljóðinu Æskuvindar nútímans:
Stundum þegar þögnin rís
á þagmælskunnar tindum.
Minnist eg þess er ég kýs
afæsku minnar vindum.
(Ljóðdrekar V 1994:26)
Aðeins fannst eitt dæmi um erlendan bragarhátt en það er japanska ljóðformið
hæka (jap. haiku):
Neistar frá eldi
andartaks blik, litaflóð
síðan, svarblátt húm.
(Ljóðdrekar II 1991:44)
Sum af ljóðum Ljóðdrekanna innihalda ljóðstafi og augljóst að oft er um markvissa
Ijóðstafasetningu að ræða. Lítum á dæmi:
118