Uppeldi og menntun - 01.01.2003, Qupperneq 130

LÍÐAN FORELDRA OFVIRKRA BARNA OG REYNSLA ÞEIRRA A F SKÓLANUM
Samkvæmt svörum foreldranna virðast þeir hafa talsverðar áhyggjur af öllum
þremur þáttunum sem taldir eru upp en a.m.k. helmingur foreldra segist oft hafa
áhyggjur og líða illa vegna allra þáttanna. Mestar áhyggjur segjast foreldrar hafa af
hvernig barni gangi félagslega og þar á eftir hvernig barni gangi í skóla. Áhyggjur af
hvernig gangi að takast á við barnið heima reka lestina, en þó telur um helmingur
foreldra sig oft hafa áhyggjur og líða illa vegna þess.
Áhrifá samband viö maka. Foreldrarnir voru einnig spurðir að því hvort þeir teldu
það að hafa eignast ofvirkt barn hafa haft áhrif á samband þeirra við maka sinn. Af
þeim 109 sem taka afstöðu segja 72,5% að það hafi haft áhrif á samband þeirra við
maka en 15,1% telja svo ekki vera og tæp 12% segja spurninguna ekki eiga við.
Foreldrar voru einnig spurðir hver áhrifin á samband þeirra við maka hefðu verið,
hvort áhrifin hefðu verið jákvæð og aukið samstöðu þeirra eða á hinn bóginn hvort
áhrifin hefðu verið neikvæð og um of hefði reynt á sambandið. Foreldrarnir voru líka
spurðir hversu sammála þeir væru því að áhrifin hefðu verið neikvæð í upphafi en
nú gengi betur.
Mynd 7
Ahrif á samband við maka
1 Jók samstöðu
■ Reyndi um of á
samband
■ Var erfitt en hefur
batnað
Þrjátíu og sex foreldrar eru sammála því að tilkoma ofvirka barnsins í fjölskylduna
hafi aukið samstöðu foreldranna, eða 45,6% þeirra 79 sem taka afstöðu til þeirrar
staðhæfingar, og 51 er sammála því að áhrifin hafi verið neikvæð og reynt um of á
sambandið, eða 67,1% af þeim 76 sem taka afstöðu. Fjörutíu og sjö, eða 60,3% þeirra
79 sem taka afstöðu, eru sammála því að áhrifin hafi verið neikvæð fyrst en nú gangi
betur. Fleiri foreldrar virðast því þeirrar skoðunar að áhrifin hafi verið neikvæð en að
þau hafi verið jákvæð. Er það einkum í fyrstu sem neikvæðra áhrifa virðist gæta.
I forrannsókninni kom fram að greining hafði veruleg áhrif á líðan foreldra til hins
betra auk þess sem greiningin skipti miklu máli fyrir samvinnu við skólakerfið. Til að
kanna hvort þetta væri algeng reynsla foreldra voru þeir beðnir að taka afstöðu til
fjögurra staðhæfinga sem ætlað var að kanna hvort þeir teldu greiningu barnsins
hafa haft áhrif á líðan sína og samstarf við skólakerfið. Spurt var hversu sammála/
ósammála foreldrarnir væru því að greiningin hefði létt af sér fargi, hvort þeir hefðu
meiri trú á að þeir gætu unnið markvisst með barnið eftir greiningu og náð árangri,
128