Ægir - 01.09.1951, Qupperneq 71

Æ G I R
279
hafði verið flutt út árið áður, eða 18 472
smálestir. Árið 1949 gilti samningur, sem
gerður hafði verið við brezka matvælaráðu-
neytið um sölu á frystum fiski, en eldci var
sá samningur endurnýjaður árið 1950, og
var allmiklum erfiðleikum bundið að selja
frystan fisk til Bretlands á því ári. Tékkó-
slóvakia keypti að þessu sinni 2 748 smá-
lestir, og var það eilítið minna en árið áður,
en þar hefur tekizt að fá alltryggan mark-
að fyrir svipað magn og hér um ræðir. Ýms-
um erfiðleikum var þó háð að selja fisk-
inn þangað. Til Hollands fóru 2 438 smá-
lestir eða mjög svipað magn og árið áður,
en þar var um að ræða fisk, sem seldur
hafði verið á árinu 1949, en var ekki flutt-
ur út fyrr en kom fram á árið 1950. Nýr
markaður fyrir freðfisk fékkst á þessu ári
í Ungverjalandi, og fóru þangað rúmlega
1 000 smálestir. Þá fóru til Austurríkis tæp-
lega 1 500 smálestir af fiski og var þar einn-
ig um að ræða markað, sem unninn hefur
verið nú á allra síðustu árum. Til Póllands
fóru rúmlega 1 000 smálestir, eða meira en
helmingi meira en árið áður, og er það
einnig markaður, sem teljast má nýr fyrir
freðfisk. Loks má telja Palestínu sem nýj-
an markað, en þangað fóru um 417 smá-
lestir, en árið áður hafði farið þangað að-
eins mjög smávægilegt magn af fiski. Er
það rnjög mikils virði að geta komið út
nokkru magni, þótt ekki sé mikið, á sem
flesta markaði, þar sem slíkt skapar að
sjálfsögðu nokkurt öryggi um sölu fisks-
ins. Önnur lönd, sem keyptu freðfisk, að
vísu lítið hvert, voru Ástralía, Finnland,
Sviss og Þýzkaland, en til hins síðastnefnda
lands fóru að vísu aðeins 30 smálestir, og
var það mikið minna magn en árið áður,
þegar þangað voru fluttar 6 856 smále'stir
af fiski, sarnkv. samningi, sem gerður hafði
verið við hernámsyfirvöldin árið 1948. Ekki
höfðu menn þó gert sér vonir um, að svo
niikið magn væri unnt að senda til Þýzka-
lands árlega framvegis, en ekki mun þó
vonlaust um, að takast megi að vinna þar
einnig noklturn markað fyrir þessa vöru.
Útflutningur niðursoðinna fiskafurða var
ekki mikill nú frekar en undanfarið hefur
verið, eða aðeins 383 smálestir, en höfðu
þó verið 423 smálestir árið áður. Er hér um
svipað magn að ræða og verið hefur mörg
undanfarin ár og ekld um neina framför i
þeim iðnaði að ræða að því er snertir út-
flutninginn. Eins og áður fór meginhluti
útflutningsins til Bandaríkjanna, eða 226
smálestir, og nokkuð til Bretlands, eða 138
smálestir, en til annarra landa var aðeins
um smávægilegan útflutning af niðursoðn-
um fiskafurðum að ræða.
Framleiðsla fiskmjöls og útflutningur
þess hefur farið mjög vaxandi á undan-
förnum árum, enda hafa verið byggðar nýj-
ar fiskmjölsverksmiðjur víða á landinu og
má nú heita, að langmestur hluti þess, sem
til fellur af úrgangi frá frystihúsum og
söltunarstöðvum, sé nú unnið í fiskmjöls-
verksmiðjum. Útflutningur mjöls á þessu
ári varð 8 620 smálestir á móti 6 392 smá-
lestum árið áður. Var það meiri útflutn-
ingur á einu ári en verið hefur áður. Lang-
stærsti kaupandinn var Holland með 3 742
smálestir, en það land hefur jafnan verið í
fremstu röð kaupenda fiskmjöls frá Is-
landi. Næst kom svo Palestína með 1 371
smálest, en þangað hefur jafnaðarlega ver-
ið selt töluvert mikið magn af fiskmjöli
undanfarin ár. Önnur lönd voru svo með
töluvert minna magn svo sem Austurriki,
Pólland, Cyprus, Tékkóslóvakia og Ung-
verjaland. írland hefur einnig keypt tölu-
vert magn af fiskmjöli á árinu 1950 eða
alls 781 smálest. Er þar um að ræða til-
tölulega nýjan markað fyrir þessa fram-
leiðslu.
Vegna þess hversu síldaraflinn brást á
sumarsíldveiðunum 1950 varð útflutningur
síldarmjöls mjög lítill, eða aðeins 2 147
smálestir, en þó nær 4 sinnum meiri en
hann hafði verið árið áður. Fór megin-
hluti þess mjöls, sem framleitt var á árinu,
til neyzlu innanlands. Holland var einnig
hér stærsti kaupandinn, og fóru þangað um
1 719 smálestir, en aðeins smávægilegt