Ægir - 01.10.1993, Blaðsíða 42

Mynd 3
Hugsanlegur tími þörungablóma i sjónum undan suövesturlandi sem leitt gœti til fœðugnóttar þegar þorsklirfur fara aö taka til sín œti
10. 20. 30. 10.
apríl apríl apríl maí
Gróðurkoma í sjónum

Hrygning rauðótu

Hómark þorskhrygningar

Fœðuöflun þorsklirfa
Þorskiirfur úr hámarki
þorskhrygningar
30 m dýpi. Efsta lagið er því orðið léttara og eins og
sjá má hefur þörungum fjölgað gífurlega (gráa súlan).
Hitaskiptalagið virðist síðan með öllu horfið 10. maí
og glöggt má sjá að rauðátan hefur ekki náð að nýta
sér þörungablómann í lok apríl nema að litlu leyti.
Seinna í maí og eins í júní er ástandið hinsvegar allt
annað. Yfirborðssjórinn er orðinn hlýr og mikil rauð-
áta mælist (svarta súlan), því miður heldur seint. Ætið
fyrir nýútklaktar þorsklirfur hefur því verið takmarkað
þetta árið, enda reyndist 1981 árgangur þorsks vera lé-
legur (139 millj. nýliða).
Hvaða afdrifaríki atburður átti sér stað þarna úti á
Selvogsbankanum frá 25. apríl til 10. maí? Hvað varð
eiginlega af öllum þörungagróðrinum?
Séu veðurkort frá þessum tíma skoðuð sést að dag-
ana um og fyrir 25. apríl var áberandi háþrýstisvæði
yfir íslandi og hafinu umhverfis. Vindur var hægur og
sólgeislun að öllum líkindum allmikil. M.ö.o. voru
kjörnar aðstæður fyrir fjölgun svifþörunga, hafi sjór á
annað borð náð lagskiptingu. Þann 27. apríl kom
lægð upp að landinu úr suðvestri með S- og SV-strekk-
ingi, en veður hélst síðan rólegt fram yfir mánaðamót-
in. Dagana 3. til 6. maí var aftur á móti hvöss A-átt
ríkjandi og komst vindur t.a.m. í 11 vindstig á Stór-
höfba.
Ekki þarf að efa að lægðagangur þessa dagana hefur
hrært upp í yfirborði sjávar og er það reyndar niður-
staða Þórunnar. Hitaskiptalagið hefur því horfiö, ef til
vill að nokkru leyti í kjölfar fyrstu lægðarinnar, og
svifib því dreifst um „allan sjó". Beitilönd rauðátunn-
ar spilltust og nýútklaktar þorsklirfur áttu því erfitt
um vik.
452 ÆGIR OKTÓBER 1993