Tímarit lögfræðinga - 01.04.1954, Blaðsíða 42
Þing norrænna lagamanna.
Síðastliðið vor bauð stjórn hinnar norsku deildar nor-
ræna lagamannasambandsins til 20. þings þess. Boðið var
birt í fjórða hefti f. árg. þessa rits og þingið haldið í Oslo
23., 24. og 25. ágúst s.l.
Frumkvæðið að lagamannaþingunum áttu Svíar. En
fyrsta þingið var háð í Kaupmannahöfn 1872, með þátt-
töku Dana, Norðmanna og Svía. Þegar Island og Finnland
fengu viðurkennt sjálfstæði sitt bættust þau í hópinn, sem
fullgildir aðilar, en áður höfðu Finnar þó tekið einhvern
þátt í þingunum.
Samkvæmt reglum um þingin er ætlazt til þess, að þing
sé haldið þriðja hvert ár og til skiptis í höfuðborgum þátt-
tökuríkjanna. Nokkur misbrestur hefur þó orðið á þessu.
Ellefta þingið átti að halda 1905, en því var aflýst vegna
sambandsdeilu Norðmanna og Svía, er þá var mjög bitur,
eins og kunnugt er. Áður en þráðurinn yrði tekinn upp af
nýju, skall fyrri heimsstyrjöldin á 1914. Þing var því ekki
háð fyrr en 1919 og þá í Stokkhólmi. Næst var tólfta þingið
háð í Oslo 1922, hið þrettánda í Helsingfors 1925 (fyrsta
þingið í Finnlandi), hið fjórtánda í Kaupmannahöfn 1928,
hið fimmtánda í Stokkhólmi 1931, hið sextánda í Oslo 1934
og hið seytjánda í Helsingfors 1937. Ráðgert var þinghald
hér í Reykjavík 1940, en vegna styrjaldarinnar varð ekki
úr því og ekkei’t þing háð fyrr en 1948 að átjánda þingið
var háð í Kaupmannahöfn. Hið nítjánda var síðan háð í
Stokkhólmi 1951 og loks hið tuttugasta í Oslo dagana 23.,
24. og 25. ágúst s.l. sumar.
Samkvæmt 1. gr. reglna sambandsins er tilgangur þing-
anna sá, að þar sé látið uppi álit um og rædd fræðilega þau
efni á sviði laga og réttar, sem talin eru skipta hinar nor-
rænu þjóðir verulegu máli á hverjum tíma. Grundvöllurinn
104