Tímarit lögfræðinga - 01.04.1954, Blaðsíða 61

Á víð og dreif
FRÁ LAGADEILD HÁSKÖLANS.
Eins og kunnugt er var stofnað nýtt prófessorsembætti
við deildina með lögum nr. 85, 24. des. 1953.
Embættið var veitt Th. B. Líndal hrl s.l. vor. Hann
hefir undanfarið, síðan 1941, starfað sem aukakennari
við deildina og leiðbeint um úrlausnir raunhæfa verkefna.
Hann mun halda þeim æfingum áfram, en auk þess
tekur hann við kennslu í fjármunarétti að nokkru leyti.
Prófessor Ármann Snævarr hefir fengið leyfi frá störf-
um vetrarlangt til þess að kynna sér nokkur efni laga
og réttar í Bandaríkjunum. Kennslu fyrir prófessor Snæv-
arr annast þeir dr. jur. Þórður Eyjólfsson hrd. og Vil-
hjálmur Jónsson hrl. Dr. Þórður kennir refsirétt, en Vil-
hjálmur almenna lögfræði.
Reglugerðarbreyting sú, sem gerð var 21. september
1949 nr. 97), er nú að fullu komin til framkvæmda. Síð-
asta próf samkv. eldri reglum var háð s.l. vor. Því prófi
luku 15, en um miðjan vetur luku 7 prófi. Reglugerðar-
breytingin á að sjálfsögðu sinn þátt í því, að þeir, sem
nokkuð voru komnir áleiðis, er hún var sett, vildu ijúka
prófi eftir eldri reglum. Hafa því óvenjumargir lokið
prófi á þessu ári.
Á hinn bóginn hefir aðsókn að deildinni farið heldur
minnkandi, og er því tala skráðra stúdenta nú nokkru lægri
en verið hefir. Samtals eru nú skráðir 97 stúdentar, þar
af 9 nýir.
Ekki ber að harma þessa þróun, því að fullyrða má, að
undanfarið hafi lögfræðingum fjölgað meira en þörf er
og margir þeirra ekki átt þess kost að fá atvinnu, er nám-
inu hæfir.
123