Tímarit lögfræðinga - 01.04.1954, Blaðsíða 37

eftir því sem heimildir lágu fyrir í framtölum eða vitneskja
fékkst um á annan hátt. Má búast við, að heimildir um
þessi atriði verði fullkomnari eftirleiðis, úr því lögfest
hefur verið, að þau skipti máli við ákvörðun tekju- og
eignaskatts.
Ákvæði 6. gr., e. liðs, um aukavinnu við byggingu eigin
íbúðar hafði verið tekið til greina, eftir því sem heimildir
lágu fyrir, áður en lög voru sett um það atriði, en ákvæði
1. gr. laga nr. 48/1954, sbr. 10. gr. 1. nr. 41/1954 um skatt-
og útsvarsfrelsi sparifjár eru nýmæli.
Af atriðum, sem sérstaklega koma til greina til hækk-
unar útsvari, ber mest á þeirri álagningu á einstaklinga
og fyrirtæki, sem miðuð er við umsetningu þeirra og nefnt
er veltuútsvar. Eru þau einn þáttur í viðmiðunarreglum
niðurjöfnunarnefnda við mat þeirra á útsvörum. Slík veltu-
útsvör munu vera jafngömul útsvarsálagningu eftir efnum
og ástæðum, þannig að ætíð hefur verið litið á, hversu
rekstur væri umfangsmikill, þó að sjálft álagningarformið
hafi tekið breytingum og sé nú í fastara horfi en tíðkaðist
fyrrum. Er hér um að ræða tiltekinn hundraðshluta,
sem lagður er á veltu en er mismunandi eftir tegund starf-
seminnar. Þetta fyrirkomulag hefur verið tekið upp, með
því að þótt hefur rétt að taka þannig tillit til þess aðstöðu-
munar, sem gætir hjá almennum einstaklingum annars
vegar og fyrirtækjum eða einstaklingum hins vegar, sem
hafa með höndum einn eða annan sjálfstæðan rekstur eða
starfsemi. öll bæjarfélög á landinu hafa fyrir löngu tekið
upp álagningu veltuútsvara eftir föstum reglum, en þau
munu þó vera nokkuð mismunandi hjá hinum eiristöku
bæjarfélögum.
Hin svo nefndu veltuútsvör eru, eins og nú standa sakir,
mjög verulegur liður í útsvarsálagningu bæjarfélaganna.
Eins og tekið var fram í upphafi, er hér aðeins getið
nokkurra atriða, sem koma til greina við mat á „efnum
og ástæðum", enda er rækileg upptalning þess ekki mögu-
leg í stuttri tímaritsgrein.
Þá er þess að geta, hvernig unnið er úr heimildum um
99