Tímarit lögfræðinga - 01.01.1962, Side 12

samningar og yfirlýsingar frá alþjóðastofnunum séu ein-
ungis skuldbindandi fyrir íslenzka ríkið, nema annað sé
beinlínis fram tekið..
Eins og áður er getið, hefur Island gerzt aðili að ýms-
um mikilvægum alþjóðasamtökum á síðari árum, eða
nánar tiltekið tvo síðustu áratugina, en fyrir þann tima
tíma tók ísland af skiljanlegum ástæðum lítinn þátt i
alþjóðlegu samstarfi. Þannig gerðist ísland þegar fyrir
stofnun Sameinuðu þjóðanna aðili að ýmsum alþjóðleg-
um stofnunum, svo sem alþjóðabankanum, alþjóðagjald-
eyrissjóðnum, matvæla og landbúnaðarstofnuninni, flug-
málastofnuninni og alþjóðlegu vinnumálastofnuninni, er
allar hafa síðar tengzt Sameinuðu þjóðunum sem sérstofn-
anir þeirra samtaka. Arið 1946 gekk svo ísland i hið ný-
stofnaða þjóðabandalag, Sameinuðu þjóðirnar, víðtæk-
ustu og valdamestu alþjóðasamtök, sem til þess tíma
höfðu verið stofnuð. Síðan hefur svo íslend gerzt þátt-
takandi í flestum þeim sérstofnunum Sameinuðu þjóð-
anna, sem settar hafa verið á fót. Árið 1948 gerðist það
aðili að Efnahagsstofnun Evrópu. Evrópuráðið var stofn-
að árið 1949. ísland var ekki meðal stofnenda þess, en
var boðin þátttaka á fyrsta-fundi ráðsins, og gerðist
þátttakandi þessa bandalags, sem fyrst og fremst vinnur
að fjárhags- og menningarmálum. A vegum Evrópu-
ráðsins var gerður Evrópusamningurinn um verndun
mannréttinda og mannfrelsi, en samkvæmt þeim samn-
ingi voru settar á fót tvær mikilsverðar alþjóðastofnanir:
mannréttindanefndin og mannréttindadómstóllinn. Samn-
ingur þessi var af íslands hálfu fullgiltur 1953, og gerð-
ist þá Island um leið aðili að þessum stofnunum. Atlants-
hafsbandalagið var sett á stofn árið 1949, og var Island
eitt af stofnríkjum þess, svo sem kunnugt er. Arið 1952
gerðist ísland aðili að Norðurlandaráðinu.
Hér hafa verið nefnd nokkur helztu alþjóðasamtök,
sem ísland hefur gerzt aðili að á undanförnum árum.
Þau bandalög eru auðvitað að ýmsu leyti hvert öðru ólik,
10
Tímcirit lögfræðinga