Tímarit lögfræðinga - 01.06.1964, Blaðsíða 14

annarra svo og dýralífi og náttúru landsins almennl.
Hæstiréttur komst hins vegar að þeirri niðurstöðu, að
greiða bæri bætur fyrir hús, búr og tæki, er brðið höfðu
eiganda þeirra ónothæf eign.14) Til samanburðar við
bann það, sem gilti í dönskum rétti við byggingu á svæð-
um umhverfis virki og tilfært var eftir Troels G. Jörgen-
sen hér að framan, er fróðlegt að víkja að álcvæðum í
íslenzku loftferðalögunum. I VI. kafla laga þessara eru
m. a. ákvæði, er skylda flugmálaráðherra til að setja
skipulagsreglur fyrir flugvelli, sem heimilir eru almenn-
ingi til notkunar. Slíkar skipulagsreglur skulu m. a.
geyma þær kvaðir, sem nauðsynlegt er vegna almenns
öryggis að leggja á svæði utan sjálfs flugvallarins, svo
sem fyrirmæli um hæð mannvirkja og aðrar takmark-
anir á meðferð fasteigna eftir því sem nauðsyn krefur.
Hafi slik kvöð á eign manns eða forræðisskerðing vegna
flugvallar i för með sér, að eignin verði eigi hagnýtt
til fulls miðað við stærð hennar, legu og allar aðstæð-
ur, þá á eigandi eignarinnar eða réttindahafi kröfu til
skaðabóta úr hendi flugvallareiganda. Skaðabætur skal
ákveða i samræmi við almennar eignarnámsreglur. Ef
löggjafinn hefði hins vegar byggt á kenningu Troels G.
Jörgensen, þá hefði hann getað látið hjá liða að greiða
eignarnámsbætur með þeim röksemdum, að um tak-
markanir væri að ræða, er miðuðu að þvi að vernda
eignir manna og líf þeirra, væru m. ö. o. settar til
verndar almennu öryggi.
Oft liggja fleiri mismunandi ástæður til grundvallar
einni og sömu lagareglu. Tilgangur hennar kann að
vera tvi- eða margþættur. Lagaregla getur t. d. miðað
að vernd einhverra almannahagsmuna, en jafnframt
miðað að tilfærslu verðmæta milli ákveðinna aðila. Er
þá auðsætt, að eignaskerðingar, sem af slikum lagaregl-
um leiða og koma hart niður, geta orðið mjög óréttlát-
ar gagnvart eigendum þeim, sem þær bitna á, ef ekki
70
Tímarit lögfræðinga