Tímarit lögfræðinga - 01.06.1966, Qupperneq 21

sönnun eða hvort tveggja. Dóminn skipar þá sýslunarmað-
ur í kaupstöðum, en í héruðunum löglœrður dómstjóri
ásamt 3—12 öðrum dómurum. Kviðdómur er ekki kvadd-
ur til. Síðan má, eins og áður var greint, gera yfirréttinum
grein fyrir málinu um lagaatriði (þeirri deild hans, sem
nefnist Divisional Court, sbr. að framan).
Dómi deildarinnar getur livort heldur sem er ákæru-
valdið eða ákærði áfrýjað til lávarðadeildarinnar, sem þá
er skipuð á sama hátt og í einkamálum. Skilyrði þess, að
mál verði tekið til efnismeðferðar, er i fyrsta lagi, að
deildin (Divisional Court) fallist á, að málið varði laga-
atriði, sem almennt skipti máli og í öðru lagi, að hún eða
lávarðadeildin samþykki, að lávarðadeildin fjalli um máls-
atriði það, er um ræðir.
2. Málsmeðferð samkvæmt opinberri ákæru.
Mál um tiltekin mjög alvarleg afbrot, eins og mann-
dráp, verða aðeins lögð fyrir faranddómstól. Flest afbrot,
sem ákæru sæta, geta annars farið fyrir faranddómstól
eða ársfjórðungsdómstól, en til þess að létta starfsþunga
dómara faranddómstólsins, ber sýslunarmönnum þeim,
er rannsókn annast, að beina slíkum málum til ársfjórð-
ungsdómþinga, nema þeir telji málið óvenju alvarlegs
eðlis, vandmeðfarið, eða að verulegur dráttur yrði á mál-
inu, ef því væri beint til ársfjórðungsdómþings. Þegar
mál er dæmt á ársfjórðungsþingi, sem frumdómstigi,
sitja dóminn annað hvort sýslunarmaður í kaupstað, eða
allt að níu héraðsdómurum, þar á meðal löglærður dóms-
forseti og kviðdómur er nefndur. í faranddómstóli ann-
ast einn dómari meðferð málsins og er hann valinn úr
„Queens Bench Division“. Stundum er þó einum málflytj-
anda drottningar (Queens Counsel) fengið þetta starf. Dóm-
arinn þingar ásamt kviðdómi í þeirri borg héraðsins, þar
sem faranddómstóllinn hefur hækistöð eða i aðalsakadómi
Lundúnaborgar (The Old BailejQ. Milcill fjöldi sakamála
í þéttbýli Suður-Lancashire hefur leitt til stofnunar tveggja
Tímarit lugfræðinga
83