Tímarit lögfræðinga - 01.06.1969, Side 65

Aðjúnktar eru ráðnir til tveggja ára hið skemmsta, og
taka þeir mánaðar- eða árslaun. Stundakennarar svo og
styrkþegar eru ráðnir til skemmri tíma og taka stunda-
kennslulaun eða mánaðar- eða árslaun. I hvert skipti, er
nýr kennari ræðst að Háskólanum, skal afmarka stöðu
hans með starfsheiti“.
Um stjórn deilda eru ákvæði 1 lo. gr., en þar segir:
„Hver háskóladeild heldur fundi eftir þörfum. Deildar-
forseti boðar fundi, og eiga þar sæti prófessorar, fastráðn-
ir dósentar og lektorar, sbr. 8. gr. 2. mgr., svo og for-
stöðumenn vísindastofnana, er lúta deildinni, og er þeim
skylt að sækja fundi. Enn fremur eiga þar sæti 2 fulltrúar
stúdenta, tilnefndir af aðalfundi deildarfélags. Háskóla-
deild er heimilt að ákveða, að dósentar og lektorar, sem
starfa við Háskólann við gildistöku laga þessara, svo og
aðjúnktar, megi sitja deikiarfundi“.
I lok 1. gr. segir, að Háskólinn eigi stjórnarfarslega
undir menntamálaráðherra, og er skólinn því að ýmsu
leyti háður honum. Hann skipar m. a. dósenta og lektora,
og þótt forseti skipi prófessora, er það þó menntamála-
ráðherra, sem ábyrgð ber á skipuninni. Þegar um er að
ræða skipun dósenta og prófessora fjallar þó dómnefnd
sérfræðinga um málið, og verður enginn skipaður, er
meirihluti dómnefndar telur óhæfan, — en einn dóm-
nefndannanna skipar menntamálaráðherra.
Þess ber og að geta, að Háskólinn er nær algerlega háð-
ur ríkisstjórn og Alþingi um fjármál sín. Ljóst er af
þessu, að þótt Háskólinn sé að formi til sjálfstæð stofnun,
þá stendur þó sjálfstæði hans að ýmsu leyti á völtum
fótum.
Háskólaráð hefur „svo sem lög mæla og nánar segir í
reglugerðum úrskurðarvald í málefnum Háskólans og
háskólastofnana, og vinnur að þróun og eflingu þeirra“.
I þesu felst, að háskólaráð hefur æðstu stjóm skólans á
hendi með þeim takmörkunum, er lög og reglugerðir
kveða á um.
Tímarit lögfræðinga
149