Tímarit lögfræðinga - 01.12.1973, Síða 8

veitti honum mikinn una5. Lögfræðistörfin léku honum í hendi. Og Ijúfari
lífsförunaut í blíðu og stríðu en eiginkonu hans, Sigríði, er ekki hægt að
hugsa sér, svo samhent sem þau voru. Kom það raunar ekki á óvart þeim, sem
til hennar og fjölskyldu hennar þekktu. — Börnin urðu tvö, Ólafur Einar og
Sigurlaug Kristín. Ánægja er að sjá soninn endurspegla ýmsa kosti föður
síns, og dóttirin getur síðar glaðst yfir að hafa gefið lífi hans aukna fyllingu.
Kynni okkar Jóhanns hófust norður við Eyjafjörð fyrir tveimur áratugum
— á þeim árstíma, þegar sól aldrei setzt þar um slóðir. — Sá árstimi er
táknrænn fyrir þann Ijóma, sem verða mun yfir endurminningunum um hann í
hugum okkar, er vorum svo lánsamir að þekkja hann.
Ólafur Egilsson
ÓLAFUR H. JÓNSSON
Þann 8. október s. I. andaðist Ólafur H. Jóns-
son forstjóri.
Hann var fæddur 25. janúar 1905. Foreldrar
hans voru hjónin Jón Ólafsson bankastjóri og
Þóra Halldórsdóttir. Hann varð stúdent 1924
með I. einkunn og cand. juris 1930 með I.
einkunn.
Ekki lagði hann fyrir sig lögfræðistörf að
loknu lagaprófi, heldur hélt út í athafnalífið og
varð þegar starfsmaður Fiskveiðihlutafélagsins
Alliance og skömmu síðar forstjóri þess. Varð
það ævistarf hans til ársins 1967. En því fór
fjarri að það væri eina starf hans, því að hann
var lengi í stjórn ýmissa atvinnufyrirtækja, svo
sem Félags íslenzkra botnvörpuskipaeigenda,
Lýsissamlags íslenzkra botnvörpunga, Sam-
tryggingar íslenzkra botnvörpunga, Landssambands íslenzkra útvegsmanna,
Samlags íslenzkra skreiðarframleiðenda, Olíuverzlunar Islands h.f., Smjörlíkis-
gerðarinnar Ásgarðs hf. og Strætisvagna Reykjavíkur hf. Var Ólafur ásamt
öðrum stofnandi sumra þessara félaga. Enn fremur reisti hann ásamt öðrum
frystihús og verzlunarhús á Drangsnesi, síldarverksmiðju í Djúpavík, og var
framkvæmdarstjóri Djúpavíkur hf. og stjórnarformaður, en það félag keypti
síldarverksmiðjuna á Dagverðareyri og rak hana og endurbyggði. Loks var
Ólafur í stjórn Vinnuveitendasambands islands og í samninganefndum um
kaup og kjör togarasjómanna og samninganefndum íslendinga og Austur-
Þjóðverja þrisvar.
Ólafur var meðlimur í öðrum góðum félagsskap, Oddfellowreglunni I.O.O.F.
Þá var Ólafur skipaður í nefnd til að endurskoða lagaákvæði um atvinnu
við siglingar í íslenzkum skipum.
Ólafur var Sjálfstæðismaður alla tíð. Hann var einn af stofnendum Heim-
dallar og í stjórn þess félags; í fjármálaráði flokks síns lengi og einu sinni
frambjóðandi honoris causa.
6