Tímarit lögfræðinga - 01.12.1973, Blaðsíða 27

starfsráði þessara samtaka, en þar á sæti einn maður frá hverju Norður-
landa. Frá þessu segir nánar hér næst á eftir.
6. Annað.
Stefán Már Stefánsson og Björn Þ. Guðmundsson sátu fyrir milligöngu
félagsins fund deilda Alþjóðlegu lögfræðinganefndarinnar á Norðurlöndum,
Vestur-Þýskalandi og Austurríki, sem var haldinn í Lundi 25.—26. ágúst.
Að ósk nefnda á Alþingi voru þeim sendar umsagnir um þingsályktunar-
tillögu um útgáfu lagasafns í lausblaðabroti, og um frumvörp til laga um mál-
flytjendur og Hæstarétt. Sem fyrr segir voru umsagnirnar ræddar á félagsfundi
22. janúar.
Þ. V.
NORRÆNIR FUNDIR
Það hefur tíðkast um skeið, að starfsmenn norrænu lögfræðingasamtakanna
héldu fund einu sinni á ári til að ræða efni, sem varða samtökin öll, og til
að segja fréttir hver úr sínu landi. Slíkur fundur var haldinn í Reykjavík 27.
og 28. ágúst s.l., og var það í fyrsta sinn, sem hann hefur verið hér á landi.
Fyrri daginn var rætt um atvinnuhorfur, og hét það á dagskránni: „Juristernes
aktuelle beskæftigelsesþroblemer (arbejdsmarkedsproblemer), derunder
dommeruddannelsen og dommerrekruteringen“. Síðari daginn var rætt um
allmörg mál, sem eru ofarlega á baugi um þessar mundir í einu landanna
eða fieiri.
I umræðunum um atvinnuhorfur kom fram, að nú er talað opinskátt um
atvinnuleysi meðal lögfræðinga í Danmörku, Svíþjóð og Finnlandi. I Noregi
er aftur á móti skortur á lögfræðimenntuðum mönnum, en búist er við veru-
legri aukningu í þeirra hópi á næstu árum. Um menntun dómara og val manna
í dómarastöður var einkum rætt vegna sérstakra aðstæðna í Svíþjóð og
Finnlandi. Þar hefur lengi tíðkast, að nýútskrifaðir lögfræðingar fengju starfs-
þjálfun á vegum dómstóla, og dómaraembætti hafa ekki verið veitt öðrum en
þeim, sem þessa þjálfun hafa hlotið. Af ýmsum ástæðum þykir þetta fyrir-
komulag ekki svara kröfum tímans, og var það skýrt og rætt á fundinum.
— Síðari fundadaginn voru fjármál samtaka lögfræðinga skýrð. Einnig var
rætt um skipulagsmál, en í Danmörku eru lögfræðingar í sambandi með hag-
fræðingum og í Svíþjóð með þjóðfélagsfræðingum. Öll eru samtökin þó
byggð upp á menntunargrundvelli, en ekki eftir vinnustöðum. Kjarasamningar
og fræðslustarfsemi voru einnig á dagskrá síðari daginn, sem fundurinn stóð.
Samstarfsráð norrænu lögfræðingasamtakanna var stofnað 1971, en Lög-
fræðingafélag islands gerðist aðili ári síðar. í ráðinu eiga sæti framkvæmda-
stjórar samtakanna, en frá íslandi þó formaður lögfræðingafélagsins, þai*
sem framkvæmdastjórinn er enginn. Starfsemin er enn óveruleg, en þó hef-
ur ráðið gengist fyrir því að útvega lögfræðingum sérstök kjör í kynnisferðum.
islendingar hafa ekki átt annan hlut að starfseminni en þann, að eiga fulltrúa á
árlegum fundum ráðsins nú og 1972. Formaður ráðsins var kosinn Finninn
Pentti Ajo.
Samtök þau, sem eiga aðild að samvinnunni, er hér um ræðir, eru þessi
auk Lögfræðingafélags fslands:
25