Tímarit lögfræðinga - 01.12.1973, Síða 9

Hann var þéttur á velli og þéttur í lund. Margir máttu og sanna, að hann var
þrautgóður á raunastund, en því flíkaði hann aldrei. Jafnan var hann æðru-
laus, þótt á móti blési, hvort sem ranglát stjórnvöld áttu þar sök á eða óviðf-
ráðanlegir atburðir.
Hann var íþróttamaður og stundaði jafnan leikfimi. Hann átti góða hesta
á yngri árum. Þeim, er þetta ritar, bauð hann oft á hestbak auk margra
annarra skemmtana.
Ég sá Ólaf fyrst 12 ára gamall, þegar við tókum próf inn í 1. bekk Mennta-
skólans. Síðan fylgdumst við að, unz lokið var lagaprófi. Hann var lífið og
sálin í samstúdentafélagi okkar Viginti quattuor, er nú verður fimmtíu ára
næsta vor.
Ólafur var mikill hamingjumaður í einkalífi sínu. Hann kvæntist ungur fríðri
og góðri konu, Sigþrúði Guðjónsdóttur, er ól honum fjóra sonu, Jón,
Guðjón, Gunnar Örn og Ólaf Helga, myndarlega menn í góðum stöðum.
Naut Ólafur þeirrar gleði að sjá mörg efnileg barnabörn.
Heimili hjónanna var orðlagt fyrir rausn og glæsibrag, og stóð það vinum
þeirra jafnan opið, því að hjónin voru mestu höfðingjar heim að sækja.
Nú lifir frú Sigþrúður mann sinn. Mjög var ástúðugt með þeim hjónum,
og bar þar aldrei skugga á, enda reyndist kona hans honum þá bezt, er
hann þurfti mest, í þungbærum veikindum, er jafnan ágerðust, unz yfir lauk.
En eigi skal syrgja góðan dreng, heldur hlakka til endurfunda við hann og
önnur bekkjarsystkin, er nú eru horfin.
Magnús Thorlacius
SIGURÐUR SIGURÐSSON
Enn er höggvið skarð í hinn fámenna hóp
starfandi málfærslumanna. Aðeins 37 ára gam-
all var Sigurður Sigurðsson kallaður til feðra
sinna. Hann fæddist í Reykjavík 22. nóvember
1935, sonur þeirra hjóna Rögnu Pétursdóttur,
Pálssonar bónda í Hafnardal á Langadals-
strönd, og Sigurðar Kristjánssonar alþingis-
manns og ritstjóra, Árnasonar, bónda á Ófeigs-
stöðum í Kinn. Sigurður ólst upp i stórum syst-
kinahópi í Vonarstræti 2 í Reykjavík, miklu
menningarheimili, sem annálað var fyrir sam-
hent fjölskyldulíf. Hann hóf nám við Mennta-
skólann í Reykjavík og lauk þaðan stúdents-
prófi 1955. Árið eftir dvaldist hann í Þýskalandi,
en hóf laganám haustið 1956 og lauk embættis-
prófi frá Háskóla islands í janúar 1962. Strax
að loknu námi hóf hann störf á málflutningsskrifstofu Eyjólfs Konráðs Jóns-
sonar og Jóns Magnússonar, en gerðist fljótlega meðeigandi þeirra að fyrir-
7