Tímarit lögfræðinga - 01.12.1973, Síða 20

stofnunarinnar. Strax í upphafi er réttarhjálpin reiðubúin til að að-
stoða við að semja innheimtubréf, umsóknir, eða útbúa skjöl, allt eftir
eðli málsins. Lögð er áherzla á skjóta afgreiðslu mála, og óafgreidd
mál eru ekki látin hlaðast upp. Ef með þarf, er málið síðan sent til
einhvers af lögmönnum réttarhjálparinnar, sem þá tekur við rekstri
málsins.
Starfsemi réttarhjálpar stúdenta er orðin mjög umfangsmikil, og
starfsárið 1970—71 voru bókuð 7503 ný mál.
1 Noregi er starfandi stofnun, sem veitir ókeypis lögfræðiaðstoð,
„Kontor for fri rettshjelp“. „Fri rettshjelp“ hóf starfsemi sína árið
1893 og var í fyrstu í einkaeign, en árið 1923 tók Oslóborg við starf-
seminni, og hefur hún verið í höndum borgarinnar síðan. Fleiri sveit-
ai'félög hafa síðan komið slíkri starfsemi á fót.
Skrifstofan veitir ókeypis lögfræðilegar upplýsingar, þ. e. a. s. al-
mennar upplýsingar um hina lögfræðilegu hlið mála, áður en til máls-
sóknar kemur. Upplýsingar á sviði refsiréttarins veitir þó skrifstofan
ekki. Að öðru leyti gefur skrifstofan upplýsingar um hvers konar lög-
fræðileg vandamál, svo sem varðandi skaðabótakröfur, skilnaðarmál og
framfærsluskyldu, vandamál á sviði vinnuréttarins, erfðamál og mál
vegna húsaleigu eða húsaleigusamninga, svo að eitthvað sé nefnt. Þessi
lögfræðilega aðstoð er í höndum lögmanna skrifstofunnar, en þeir
eru 10 talsins.
„Kontoret for fri rettshjelp“ hefur ekki aðeins með höndum al-
mennar lögfræðilegar upplýsingar, en veitir einnig aðstoð vegna rekst-
urs mála fyrir dómstólum. Kostnaður við þann hluta starfseminnar
er oft greiddur af því opinbera, þar sem í mörgum tilfellum er um
gjafsóknar- eða gj afvarnarmál að ræða.
Á sama hátt og í Danmörku njóta þeir einir aðstoðar skrifstofunnar
endurgjaldslaust, sem eru fyrir neðan ákveðið mark í tekjum og eign-
um, en hér er þó aðeins um viðmiðunartölur að ræða, þar sem einstök
tilfelli eru metin sérstaklega.
Ríkið greiðir 40% kostnaðar við þessa starfsemi, en viðkomandi
sveitarfélag 60%, ef um er að ræða almennar lögfræðilegar upplýsing-
ar og lögfræðilega aðstoð. Sé um að ræða málflutning, greiðir ríkið
60%, en viðkomandi sveitarfélag 40%. Þess má geta, að fjöldi þeirra,
sem leitar til skrifstofunnar, er mikill eða að meðaltali 40—50 ein-
staklingar dag hvern (fyrri hluta ársins 1973). Ef viðkomandi aðili
er ófær um að koma á skrifstofuna, t. d. vegna sjúkleika, fara lög-
menn skrifstofunnar heim til hans.
Ekki er hægt að skilja við réttarhjálp í Noregi án þess að minnst
18