Tímarit lögfræðinga - 01.12.1973, Page 41

réttarhalda. Þar er bæjarþing Vestmannaeyja haldið einu sinni í viku hverri,
svo og sjó- og verzlunardómur.
Um mánaðamótin janúar—febrúar voru allra nauðsynlegustu skjöl og
embættisbækur fluttar til Reykjavíkur og komið fyrir í hinu nýja húsnæði.
Um viku síðar var mestur hlutinn af skjalasafni embættisins og embættisbók-
um f'uttur til Reykjavíkur og ýmist afhent Þjóðskjalasafninu eða komið fyrir í
geymslu í Hafnarbúðum. Það, sem eftir var, var flutt alllöngu síðar (með
einkainnbúi bæjarfógeta) og komið fyrir á sama hátt, afhent Þjóðskjalasafni
eða komið í geymslu.
Starfsmenn skrifstofunnar fiuttust til Reykjavíkur eftir gosið og hófu störf
í Hafnarbúðum, er húsnæðið þar var tilbúið til notkunar. Hluti af starfsfólki
embættisins var þó áfram í Eyjum. Lögregluliðið fór að sjálfsögðu ekki, og
hafðist við um sinn á lögreglustöðinni, en varð brátt að hverfa þaðan vegna
mengunar. Fékk lögreglan þá nýtt aðsetur sunnar og hærra á Eyjunni, þar
sem mengunar hafði ekki orðið vart. Vegna áframhaldandi hættuástands og
til þess að geta fylgzt betur með eignum þeirra, sem burtfluttir voru, bæði
húsum og öðru, var lögregluliðið von bráðar stórlega aukið, og var það all-
fjölmennt um skeið. Er líða tók á sumarið fækkaði aftur í lögregluliðinu. Tveir
löglærðir fulltrúar vinna hér hjá embættinu, og frá því skömmu eftir gosið
hafa þeir til skiptis dvalið í Vestmannaeyjum og starfað þar í þágu embættis-
ins. Einn tollþjónn hefur starfað í Eyjum eftir gosið, en hann hefur iafnframt
önnur störf með höndum.
Á sumum sviðum hefur starf embættisins minnkað eða dregizt saman vegna
þess að verkefnum hefur fækkað. Á öðrum sviðum hefur haldizt í horfinu
eða starfið jafnvel aukizt. Einkamálum hefur fækkað og sama er að segja um
opinber mál. Þó hefur jafnan verið töluvert um opinber mál, en afgreiðsla
þeirra hefur verið nokkrum erfiðleikum bundin, vegna þess að vitni og sak-
borningar hafa verið dreifðir víða um landið og oft óvissa um dvalarstað.
Þinglýsingum fækkaði mikið fyrstu mánuðina eftir gosið og var nær eingöngu
um veðsetningar á bifreiðum að ræða. í því sambandi skal þess getið, að
kaup og sala bifreiða að og frá Vestmannaeyjum hefur verið óvenjumikil
jafnt og þétt frá því að gosið hófst, og hefur ekki verið meiri í annan tíma.
Kaup og sala á fasteignum lá hins vegar að mestu leyti niðri fram á sumar,
en hófst þá að nýju. Þinglýsingar jukust þá til muna. Mjög mikið var um
afiýsingar, en Viðlagasjóður hóf undirbúning að greiðslu bóta fyrir hús, sem
höfðu eyðilagzt eða skemmzt af völdum hrauns eða vikurs. Fógetagerðir
fóru yfirleitt ekki fram, eftir að gosið hófst, hvorki fjárnám, löghald né lögtak.
Engin uppboð fóru heldur fram og engin ný uppboðsauglýsing var gefin út.
Uppboðum, sem voru byrjuð, var ýmist frestað eða þau niður felld. i upphafi
eða tvo fyrstu mánuðina eftir gosið, giltu um þetta fyrirmæli 3. gr. laga nr.
3/1973, sbr. lög nr. 5/1973, sem mæltu fyrir um frestun á gjalddaga og frestun
á réttaráhrifum af vanefndum á þeim fjárskuldbindingum, sem rætt er um í
greininni. Gjaldþrot voru engin, en að öðru leyti var fyrir skiptarétti svipaður
fjöldi mála og verkefna og oft áður. Sama er að segja um mál á sviði sifja-
réttar, svo sem barnsfaðernismál, hjónaskilnaðarmál o. fl. Margs konar fyrir-
greiðsla á ýmsum sviðum í þágu einstaklinga og almennings hefur jafnan
verið allmikil, og að ég held, sízt minni en áður.
Veigamikill þáttur í starfi embættisins, eins og í öðrum hliðstæðum embætt-
39