Tímarit lögfræðinga - 01.12.1973, Page 45

i frumvarpinu eru engin ákvæði um afkynjun, og telur nefndin, að þau eigi
ekki heima í þessari löggjöf, heldur eigi ákvæðin um afkynjun frekar heima
í læknalögum.
Eins og sést á framanrituðu eru miklar breytingar á gildandi löggjöf í frum-
varpi þessu.
Nefndin lét framkvæma eftirrannsókn á högum kvenna, sem gengizt höfðu
undir fóstureyðingu á fæðingardeild Landsþítalans á árunum 1966 og 1967,
og gaf sú rannsókn til kynna, að konurnar áttu við mikla félagslega örðugleika
að striða. Nefndin kynnti sér einnig, hvaða félagsleg aðstoð stendur til boða
fyrir þungaða konu og við barnsburð og telur, að henni sé í ýmsu ábóta-
vant og bendir sérstaklega á dagvistunarskort, skort á atvinnuöryggi kvenna
í sambandi við þungun og barnsburð, nauðsyn þess að lengja bransburðar-
leyfi og að tryggja afkomu kvenna, sem missa tekjur, með greiðslu almanna-
tryggingabóta.
í frumvarpinu er iagt til, að sjúkratryggingar almannatrygginga greiði
sjúkrakostnað vegna fóstureyðinga og ófrjósemisaðgerða, og að kostnaður
vegna ráðgjafar og fræðslu greiðist af almannafé.
Heilbrigðis- og tryggingamálaráðuneytið hefur gefið út álit nefndarinn-
ar ásamt greinargerð og frumvarpi til nýrra laga (júní 1973), og er þeim, sem
áhuga hafa á málinu, bent á að kynna sér það rit.
Guðrún Erlendsdóttir
Eftir að fréttagrein þessi var samin, hefur verið lagt fram frumvarp til laga
,,um ráðgjöf og fræðslu varðandi kynlíf og barneignir og um fóstureyðingar og
ófrjósemisaðgerðir" (95. þingmál, þingskjal 104). Fyrsta umræða um frumvarp-
ið fór fram í Neðri deild 19. nóvember, og tóku 9 þingmenn til máls að með-
töldum heilbrigðismálaráðherra, en hann hafði framsögu. Málinu var vísað
til heilbrigðis- og tryggingamálanefndar deildarinnar, og mun hún hafa sent
það mörgum aðilum til umsagnar. Mikið hefur verið skrifað um málið í blöð
og tímarit og um það hafa verið ráðstefnur og fundir. Hér skal aðeins nefnt,
að Læknaneminn, 2. tbl. 1973, er að mestu um þetta efni, og að nefnd
var skipuð af biskupi islands til að fjalla um lagafrumvarpið, sem fyrr er nefnt.
Hefur hún skilað áliti og birt það opinberlega.
AÐALFUNDUR DÓMARAFÉLAGS ÍSLANDS
Aðalfundur Dómarafélags íslands var haldinn dagana 22. og 23. nóvember
s.l. í Tjarnarbæ í Reykjavík. Formaður félagsins, Björgvin Bjarnason, bæjar-
fógeti, setti fundinn og stjórnaði honum. Fundarritarar voru kosnir Már Pét-
ursson héraðsdómari og Guðmundur Jónsson borgardómari.
í upphafi fundarins ávarpaði formaður fundarmenn og gesti, er við fundar-
setningu voru, Ólaf Jóhannesson forsætis- og dómsmálaráðherra og Baldur
Möller ráðuneytisstjóra. Þá minntist formaður Valdimars Stefánssonar sak-
sóknara ríkisins, sem látist hafði á liðnu starfsári, og vottuðu fundarmenn
honum virðingu sína með því að rísa úr sætum.
Formaðurinn greindi frá embættaskipunum á árinu, en þær voru þessar:
43