Tímarit lögfræðinga - 01.10.1983, Síða 11

sem var, kunni að tala við náungann, líflegur og smellinn. Alstaðar þar sem
hann var kvað að honum.
Við lifum í eilífðinni, sagði séra Bjarni. Þau orð eru sönn, og í því Ijósi séð
má gjarnan segja að ekki skipti höfuðmáli hvort ein mannsævi nær 10, 20 eða
30 árum lengra eða skemmra. Samt er það nú svo að hvert einasta fráfall
orkar sjónarsvipti einhverjum til handa, oft mörgum, þeim er eftir lifa. Þeim
mörgu sem orðið hafa fyrir sárum sjónarsvipti við fráfall Péturs Axels Jóns-
sonar, einkum konu hans Rósu Ólafsdóttur, börnum hans og móður, sendi
ég kveðjur, á minn fátæklega hátt að vísu. En hugur fylgir máli.
Mér sýnist veröldin heldur dauflegri yfirlitum er hinn eftirminnilegi maður,
Pétur Axel, er horfinn um sinn.
Þorsteinn Thorarensen
65